Дэлхий
Д.Трамп 30 хоног гал зогсоохыг Орос, Украинд уриалжээ
ВАШИНГТОН, 2025 оны тавдугаар сарын 9 /Reuters/. Орос, Украины хооронд 30 хоногийн хугацаанд урьдчилан болзолгүйгээр гал зогсоохыг АНУ-ын Ерөнхийлөгч Дональд Трамп пүрэв гарагт уриалаад, хэрэв гал зогсоох саналыг хүндэтгэн үзэхгүй бол Вашингтон болон түүний түншүүд нэмэлт хориг арга хэмжээ авна гэдгийг анхааруулжээ.
Украины тал 30 хоногийн хугацаанд нэн даруй гал зогсоох тухай АНУ-ын саналыг хүлээн авахад бэлэн байгаагаа илэрхийлсэн бол ОХУ дэлхийн II дайн дууссаны 80 жилийн ой пүрэв гарагт тохиож байгаатай холбогдуулан гуравхан өдрийн хугацаанд гал зогсоох санал тавьсан юм.
Д.Трамп нийгмийн сүлжээний хаягтаа бичихдээ, хэрэв гал зогсоох саналыг хүндэтгэн үзэхгүй бол АНУ болон түүний түншүүд нэмэлт хориг арга хэмжээ авах болно гэсэн байна. “Хүлээн зөвшөөрөхүйц гал зогсоох хэлэлцээрийг дагаж мөрдөнө гэдэгт найдаж байна, шууд хэлэлцээний халдашгүй байдлыг хангах хариуцлагыг хоёр улсын аль аль нь хүлээх болно” гэж тэрбээр нэмж хэлжээ.
АНУ-ын Ерөнхийлөгч цааш нь хэлэхдээ, энэхүү гал зогсоох хэлэлцээр нь эцсийн дүндээ Энх тайвны хэлэлцээрт хүргэх ёстой. Энэ бүхнийг маш түргэн хийх боломжтой, хэрэв миний үүрэг оролцоо шаардлагатай бол би тухайн мөчид бэлэн байх болно гэлээ.
Д.Трамп Украины дайныг зогсоох хүсэлтэй байгаагаа мэдэгдсээр ирсний зэрэгцээ хэрэв Орос, Украины талууд ахиц гаргахгүй бол хэлэлцээрт зуучлахаа бид зогсооно гэж мэдэгдэж байв. Украины Ерөнхийлөгч Владимир Зеленский пүрэв гарагт Д.Трамптай утсаар ярихдаа “Киев 30 хоногийн хугацаатай гал зогсооход энэ мөчөөс эхлэн бэлэн байна” гэж мэдэгджээ.
Украины Ерөнхийлөгч цааш нь хэлэхдээ, Орос ямар ч нөхцөл болзолгүйгээр гал зогсоохоос эхлээд дайныг зогсооход бэлэн гэдгээ харуулах ёстой гэдгийг онцолсон байна.
Пүрэв гарагт Украины Гадаад хэргийн сайд хэлэхдээ, өөрийнх нь зарласан гурав хоногийн гал зогсоох дэглэм хэрэгжиж эхэлснээс хойш хэдхэн цагийн дараа Оросын тал амлалтаа хэдэнтээ зөрчсөнийг дурдаад, уг санаачилгыг “инээдмийн жүжиг” хэмээн нэрлэсэн бол Киев байлдааны ажиллагаагаа үргэлжлүүлсээр байна гэж Оросын тал мэдэгджээ.
Э.Хулан
Эх сурвалж: “Монцамэ” агентлаг
Ромын пап Францисыг таалал төгссөний дараа дэлхийн католик шашинтнуудын шинэ тэргүүнээр АНУ-ын Чикаго хотод төрсөн XIV Лео пап сонгогдсон билээ. Өнгөрсөн ням гарагт тэрбээр сүсэгтнүүдийн өмнө тангараг өргөх ёслол үйлдсэн. Уг ёслолд ирсэн гадны зочид төлөөлөгчид, шашны зүтгэлтнүүд ирсэн бөгөөд тэдний дунд АНУ-ын дэд Ерөнхийлөгч ЖД Вэнс болон Төрийн нарийн бичгийн дарга Марко Рубио нар гэр бүлийн хамт багтжээ.
Тэд энэ үеэр Ерөнхийлөгч Доналд Трамп болон тэргүүн хатагтай Меланиа Трамп нарын захидлыг Лео папад дамжуулжээ. Уг захидалд Ерөнхийлөгч Трампын гэр бүл дэлхийн католик шашны тэргүүнийг аль болох боломжтой ойрын хугацаанд АНУ-ын нийслэл Вашингтон дахь Цагаан ордонд айлчлан ирэхийг урьсан байна.
ВАШИНГТОН, 2025 оны тавдугаар сарын 20 /AP/. Орос, Украины дайныг зогсоох хэлэлцээг “нэн даруй” эхлүүлнэ гэж АНУ-ын Ерөнхийлөгч Дональд Трамп даваа гарагт мэдэгджээ.
Д.Трамп “Truth Social” сүлжээн дэх хуудсаараа дамжуулан мэдэгдэхдээ, ОХУ-ын Ерөнхийлөгч Владимир Путинтэй утсаар хийсэн хэлэлцээ “маш сайн” болж өрнөсөн гэлээ.
“Орос, Украин хоёр гал зогсоох, цаашлаад хамгийн чухал нь дайныг зогсоох тухай хэлэлцээг нэн даруй эхлүүлнэ” гэж тэрбээр хэлсэн байна. ОХУ-ын Ерөнхийлөгч В.Путиний хувьд, Д.Трамптай хийсэн хэлэлцээг “илэн далангүй, утга учиртай” хэмээн тодорхойлжээ. “Энэ бол маш их утга учиртай, нээлттэй, ерөнхийдөө миний бодлоор маш хэрэгтэй хэлэлцээ байлаа” гэж В.Путин утсаар ярьсныхаа дараа Оросын хэвлэлд мэдээлээд, хэлэлцээ хоёр цаг гаруйн турш үргэлжилсэн гэв.
Түүний хэлснээр, Оросын тал дайныг “энхийн замаар шийдвэрлэхийг” дэмжиж байгаа ажээ. Хоёр тал аль алинд нь ашигтай зөвшилцөлд хүрэх ёстой гэж тэрбээр нэмж хэлсэн байна.
Д.Трамп В.Путинтэй утсаар ярьсныхаа дараа Украины Ерөнхийлөгч Владимир Зеленский болон Европын удирдагчидтай утсаар ярьсан гэдгээ мэдэгджээ. Тодруулбал, АНУ-ын Ерөнхийлөгч Европын Комиссын Ерөнхийлөгч Урсула фон дер Лейен, Германы Канцлер Фридрих Мерц, Францын Ерөнхийлөгч Эммануэл Макрон, Италийн Ерөнхий сайд Жоржа Мелони, Финландын Ерөнхийлөгч Александр Стубб нартай ярьсан байна. Ватиканы зүгээс мөн Украин-Оросын яриа хэлэлцээг зохион байгуулах санал тавьсныг Д.Трамп дурджээ.
Э.Хулан
Эх сурвалж: “Монцамэ” агентлаг
Хуульч О.Батхүү: Үндсэн хуулийн Цэц ингэж цагаандаа гарч болохгүй
Ромын папыг Цагаан ордонд зочлохыг урьжээ
“Телеграм” аппаар иргэд 7,3 тэрбумыг залилуулжээ
Сэрэмжлүүлэг: Нийслэлд энэ сарын 15-18-ныг хүртэл бороотой сэрүүн өдрүүд үргэлжилнэ
Ковидын шинэ давлагаа Азийг нөмөрчээ
Авлигатай тэмцэх газар Ү.Төмөрхуяг даргыг хараандаа авна уу!
Д.Амарбаясгалан: УИХ-ын гишүүд хэт ЭМЗЭГ байгаад хэрэггүй. Гүтгэх, доромжлуулах олон нөхцөл байдлыг улстөрч хүн туулаад явдаг
🏀 ЛеБрон Жэймс: Ирээдүйнхээ талаар гэр бүл, өөртэйгөө ярилцана
Гадаад руу явж суралцахад тулгардаг хамгийн том асуудлуудын нэг бол хэл сурах юм
-
Нийгэм1 week agoСэрэмжлүүлэг: Нийслэлд энэ сарын 15-18-ныг хүртэл бороотой сэрүүн өдрүүд үргэлжилнэ
-
Нийгэм4 days agoКовидын шинэ давлагаа Азийг нөмөрчээ
-
Нийгэм4 weeks agoАвлигатай тэмцэх газар Ү.Төмөрхуяг даргыг хараандаа авна уу!
-
Нийгэм4 weeks agoМонгол иргэдийг БНСУ-ын хил дээр саатуулах, албадан буцаах, хувийн мэдээлэлд халдахаа зогсоохыг хүслээ
-
Спорт4 weeks agoЛ.Месси орлогоороо тавдугаарт бичигджээ
-
Улс төр4 weeks agoТББХ: Хэвлэл мэдээллийн эрх чөлөөний тухай хуулийн шинэчилсэн найруулгын төслийг хэлэлцэхийг дэмжлээ
-
Нийгэм4 weeks agoБоомтыг боомилсон Б.Тулга сайдын үед энэ салбар ёроолдоо уналаа
-
Нийгэм4 weeks agoЭрчим хүчний салбар сэхэл авдаггүйн учир нь Ү.Төмөрхуяг мэт сэтэртнүүдийн дураараа авирласан үйлдлээс үүдэлтэй