Нийгэм
Сургуулийн түвшний олимпиадууд энэ сарын 12-28-ны өдрүүдэд зохион байгуулагдана
Төрөлжсөн олимпиадыг Боловсролын ерөнхий газрын даргын 2023 оны А/420 дугаар тушаалаар батлагдсан “Улсын олимпиад зохион байгуулах журам”-ын дагуу 12 судлагдахуунаар, 1 дүгээр шат буюу сургуулийн түвшинд, 2 дугаар шат буюу аймаг, дүүргийн түвшинд, 3 дугаар шат буюу нийслэл, бүсийн түвшинд, 4 дүгээр шат буюу улсын түвшинд гэсэн шат дараалалтайгаар зохион байгуулна.
Энэ хичээлийн жилийн сургуулийн түвшний олимпиадууд 2025 оны 11 дүгээр сарын 12-ны өдрөөс 28-ны өдрүүдэд зохион байгуулагдана.
Өнөөдрийн байдлаар математик, физик, түүх, биологи, газарзүйн /5/ судлагдахууны олимпиадын нэгийн даваа зохион байгуулагдаж дуусжээ,
Техник технологи, Англи хэл /2/ судлагдахууны олимпиадын зохион байгуулагдах хугацаа нь болоогүй,
Монгол хэл, бичиг-Уран зохиол, Нийгмийн ухаан, Хими, Мэдээлэл зүй, Орос хэл /5/ судлагдахууны олимпиадууд зохион байгуулагдаж байна.