Волейболын тамирчин Ж.Энхсоёл MBC Entertainment Awards-ийн “Best Couple” шагнал хүртлээ

Солонгосын волейболын домогт тамирчин Kim Yeon-koung-тай хамт оролцсон волейболын тамирчин Инкүши буюу Энхсоёл нь Солонгосын хамгийн нэр хүндтэй шагнал гардуулах ёслолуудын нэг болох MBC Entertainment Awards-ийн “Best Couple” төрөлд шалгарч, түрүүлжээ.

Тэд хамтран оролцсон телевизийн нэвтрүүлэг, олон нийтийн дунд бий болгосон эерэг уур амьсгал, харилцан ойлголцол, үзэгчдэд хүргэсэн хөгжилтэй контент нь уг шагналыг хүртэх гол үндэслэл болсон юм. Энэхүү хамтын ажиллагаа нь зөвхөн “хос” хэмээх нэр хүндийг нэмэгдүүлэхээс гадна спорт, урлагийн салбарын хоорондын уялдаа холбоог бэхжүүлэх, залуу үеийн тамирчид болон уран бүтээлчдэд урам зориг олгох зорилготой.

Энхсоёл буюу Инкүши нь өөрийн спортын карьераараа олон улсын түвшинд нэрд гарсан туршлагатай волейболын тамирчин. Тэрбээр сүүлийн жилүүдэд спортын амжилтаараа төдийгүй цахим сүлжээ, шоу бизнесийн ертөнцөд идэвхтэй оролцож буй нь харагддаг. Харин Ким Ён Күонг нь Солонгосын спорт болон урлагийн салбарт алдар хүндтэй мэргэжлийн тамирчин билээ. Тэдний хамтын ажиллагаа нь зөвхөн нэгэн үзүүлбэр, уран сайхны харилцаа биш, харин спортын амжилт, урлагийн уян хатан байдал, олон нийтийн итгэл, тэдний нийгэмд үзүүлэх нөлөөллийг харуулж байна.

Мэдээ бэлтгэсэн Ө.Дөлгөөн