Нийгэм
Зөвшөөрөлгүй байршуулсан хаяг, хаягийн байгууламжуудыг албадан буулгана
Нийслэлийн хэмжээнд одоогийн байдлаар гадна зар сурталчилгааны 496 байгууламж зөвшөөрөлтэй, 250 нь зөвшөөрөлгүйгээр байршуулсан байна.
Стандартын шаардлага хангаагүй, өнгө үзэмж муутай, орчны аюулгүй байдал алдагдуулсан, харах орчныг хязгаарласан, хяналтын камер халхалсан, мөн хориглосон байршилд зөвшөөрөлгүй байршуулсан зар сурталчилгааны байгууламж, рекламын самбаруудыг ирэх сараас эхлэн албадан буулгах ажлыг зохион байгуулна.
Энэхүү ажлын хүрээнд нийслэлийн өнгө үзэмжийг сайжруулах, иргэдийг эрүүл, аюулгүй, тав тухтай орчинд амьдрах нөхцөлийг бүрдүүлэх зорилгоор шинэ, дэвшилтэт технологид суурилсан бодлогыг хэрэгжүүлэн ажиллахаар төлөвлөж байна.