Connect with us

Хэв маяг

Хүүхдээ хөгжүүлэхийн тулд багаас нь ачаалах ХЭРЭГТЭЙ ЮУ!

Published

on

Хүүхдүүдийг багаас нь хөгжүүлж эхэлдэг. Тэдэнд ном уншиж, оюуныг нь хөгжүүлдэг тоглоом авч өгч, янз бүрийн сургалтад явуулдаг. Энэ нь ч зөв. Гэтэл нэг л өдөр хүүхдийн сонирхол буурч, дургүй болно.

Сурган хүмүүжүүлэх ухааны мэргэжилтнүүдийн ярьснаар, хөгжил, эрх чөлөө хоёрын тэнцвэрийг хадгалах шаардлагатай. Амьдралын эхний жилүүд нь асар их өсөлт, хөгжлийн үе байдаг.

Зургаа хүртэлх насанд хүүхдийн тархинд олон тэрбум мэдрэлийн холбоос үүсэж байдаг байна. Энэ үед хүүхдэд ярих, сэтгэх, анхаарлаа төвлөрүүлэх, ертөнцийг танин мэдэх чадвар хөгждөг бөгөөд энэ үеийг л алдвал нөхөх бараг боломжгүй байдаг аж.

Бага наснаас нь хөгжүүлэх гэдэг нь сургуульд сургах гэсэн үг биш.

Тоглох замаар хүүхдийг өөртэй нь, ертөнцтэй, боломж нөөцтэй нь танилцуулж болдог. Энэ бол түүний итгэлтэй, бие даасан байдалд хөрөнгө оруулж байгаа хэрэг гэж шинжээч тайлбарлажээ.

Хүүхдийнхээ онцлогт тааруулалгүй эцэг, эхчүүд алдааг нь хүндээр хүлээн авах эсвэл тодорхой хүлээлт тавьдаг. Улмаар хүүхдэд онц сурлагатны хамшинж буюу төгс байх хүсэл төрж, алдаанаас айх, бусдад таалагдах хүсэл төрдөг.

Бусдын итгэлийг даахгүй байхаас эмээж, хөгжих үйл явцад баярлахаа больдог байна.

Нөгөө туйлд нь “үгүй” гэсэн хамшинж бий. Хүүхэд сурах дургүй, сонирхолгүй болж, эсэргүүцнэ. Энэ үед эцэг, эх айж, хүүхдээ тайван орхиж, буулт хийдэг. “Хүсэхгүй” байна гэдэг нь тэр бүр хэт их ачаалал гэсэн үг биш гэдгийг эцэг, эх ойлгох ёстой. Зарим тохиолдолд энэ нь насны хямрал байдаг байна. Гурав, тав, эсвэл долоон насандаа хүүхэд өөрийгөө илэрхийлж, зөвшөөрөгдөх хил хязгаар, үйлдлийн загвар, томчуудыг айлгахын тулд муухай аашлах хязгаарыг шалгадаг.

Хэрэв хүүхдийг зөвхөн үр дүнгийнх нь төлөө магтаж байсан бол шинэ зүйл эхлэхээс айдаг болдог байна.

Хөгжил бол үйл явц. Дардан байх албагүй ч урагшлах ёстой. Хичээл, сургалтын тоо бус харин үйл явцыг буруу зохион байгуулахад хэт их ачаалал өгдөг байна. Маш их даалгаврыг хүлээн авахад хүүхдийн сэтгэл зүй бэлэн бус байдаг тул хүлээн авахаас татгалзаж, сурах хүслийг бууруулдаг аж.

Өнөөдөр хуваарьгүй хүүхэд насны тухай их ярьдаг болсон. Гэхдээ эрх чөлөө гэдэг нь хийцгүйрэх гэсэн үг биш. Энэ бол хүүхдийн туршиж үзэх, алдах, сурах боломж юм. Хүүхэд тоглож, уйдах, мөрөөдөх ёстой. Гэхдээ тэр аливаад хүчин чармайлт гаргаж, даван туулж, дуусгаж сургах хэрэгтэй.

Хүүхдэд аюулгүй гэсэн мэдрэмжийг өгөх зүг чиг, дүрэм, хил хязгаар хэрэгтэй. Эцэг, эх байна гэдэг нь тэнцвэрийг олох гэсэн үг. Эцэг, эх бол тав тухыг нийлүүлэгчид биш харин хүндрэл, бэрхшээлийг даван туулахад тусалдаг дэмжигчид юм гэж шинжээчид онцолсон байна.

Дэлгэрэнгүй
Сэтгэгдэл үлдээх

Leave a Reply

Your email address will not be published. Required fields are marked *

Нийгэм

Асашёорюү Д.Дагвадорж, Xакуxо М.Даваажаргал нар Япон Улсын Эзэн xааныг угтаж аваx ёслолд оролцож байна

Published

on

Монгол Улсын Ерөнxийлөгч Уxнаагийн Xүрэлсүxийн урилгаар Япон Улсын Эзэн Xаан Наруxито болон xатан Масако нар төрийн дээд түвшний айлчлалыг Монгол Улсад xийж байна.

Япон Улсын эзэн xаан Наруxито болон xатан Масако нарын айлчлал 2025.97-06-ны өдрөөс эxэлсэн бөгөөд өнөөдөр тэднийг Монгол Улсын Ерөнxийлөгч У.Xүрэлсүx болон тэргүүн xатагтай Г.Болорцэцэг нар Сүxбаатарын талбайд угтаж авлаа.

Эрxэм дээд зочид болоx Япон Улсын эзэн xаан Наруxито болон xатан Масако нарыг угтаж аваx ёслолд Японы мэргэжлийн сүмогийн 68 даxь иx аварга Асашёорюү Д.Дагвадорж болон Xакуxо М.Даваажаргал нар угтаж авлаа.

Мэргэжлийн сүмо бөxийн 68 даxь иx аварга Асашёорюү Д.Дагвадорж болон Xакуxо М.Даваажаргал нар нийлээд 70 удаа түрүүлж Японы эзэн xааны цомыг xүртсэн билээ.

Дэлгэрэнгүй

Хэв маяг

🧸 “Labubu” vs 🎀 “Wakuku” Хэн нь зүрхийг, хэн нь зах зээлийг эзлэх вэ?”

Published

on

By

✨ Чихмэл хүүхэлдэйн дайн эхэллээ

2025 оны хамгийн халуухан тоглоомын тулаан Pop Mart-ийн домогт “Labubu” ба Miniso-гийн сошиал халуурлыг дагуулсан “Wakuku” хоёрын хооронд өрнөж байна. TikTok, Xiaohongshu, Instagram дээр энэ хоёрын трэндүүдээр дүүрсэн гэхэд хилсдэхгүй. Эдгээр цувралууд нь зөвхөн хүүхдүүд ч бус насанд хүрэгчдийг хүртэл цуглуулагч болгоод байгаа юм.


🦷 “Labubu” – Домогт цуглуулгын ноён оргил

Pop Mart-ийн брэнд болох “Labubu” нь урт чихтэй, арзгар шүдтэй, өвөрмөц дүр төрхөөрөө дэлхий дахины анхаарлыг татсан. 99 юанийн үнэтэй худалдаанд гарсан анхны хувилбар нь хоёрдогч зах зээлд 500 юань хүрч байсан бол хамгийн том хэмжээтэй “Labubu” Бээжинд 150 мянган ам.доллараар зарагдаж дээд амжилт тогтоосон.

  • 📈 Pop Mart-ийн хувьцаа 2025 онд 178% өсч, зах зээлийн үнэлгээ нь $43 тэрбумд хүрсэн.

  • 🧮 2024 оны орлого нь $1.8 тэрбумд хүрч, 67% ашигтай ажилласан.

  • 🛒 Гурав дахь үеийн Labubu загваруудын урьдчилсан захиалга 500 сая юанийг давсан.

Гэвч тансаг бүтээгдэхүүн болох зорилгыг нь хоёрдогч зах зээл дээрх дамлан худалдаа болон дуураймал “Lafufu” брэндүүд сүүдэртүүлж эхлэв.


🐰 “Wakuku” – Miniso-гийн “муур багш”

Wakuku нь Miniso брэндийн “TOP TOY” төслөөр бүтээгдсэн, Labubu-тай төстэй зэвүүн инээмсэглэлтэй чихмэл. Одоогоор Miniso дэлгүүрийн үүдэнд хүмүүс дугаарлан зогсож, TikTok дээр “#Wakuku” трэнд үүсгээд байгаа юм.

  • 🧳 Wakuku нь лицензтэй, үйлдвэрлэлийн цар хүрээ том тул илүү өргөн хэрэглэгчдэд чиглэсэн.

  • 🏪 Miniso-гийн сүлжээ дэлгүүрүүд Wakuku-г илүү хүртээмжтэй болгож байгаа.

  • 📱 Сошиал медиа дээр unboxing бичлэгүүд нь мянга мянган лайк цуглуулж, хэрэглэгчийн reach-ийг нэмэгдүүлж байна.

Гэсэн ч Wakuku нь цуглуулагчийн үнэ цэнийг бий болгоход Labubu шиг хүчтэй IP биш бөгөөд илүү “түр зуурын” тренд мэт харагдаж байна.


📊 Харьцуулбал:

Үзүүлэлт Labubu (Pop Mart) Wakuku (Miniso)
Брэндийн хүч 🌟 Оригинал IP, дээд зэрэглэлийн цуглуулга 🔄 Лицензтэй, олон нийтэд зориулсан
Үнэ $15–$500 (хоёрдогч зах зээлд) $10 орчим
Хэрэглэгчийн хүрээ Цуглуулагчид, хөрөнгө оруулагчид Олон нийтийн хэрэглээ
Ховор байдал Хязгаарлагдмал, дээд хувилбарууд Илүү их хэмжээгээр үйлдвэрлэгддэг
Эрсдэл Дамлан наймаа, дуураймал Тренд буурах магадлал өндөр

🏁 Дүгнэлт: Хэн нь дийлэх вэ?

“Labubu” бол тансаг цуглуулгын зах зээлийн эзэн хэвээр үлдэж байна. Харин “Wakuku” нь масс хэрэглэгчдэд чиглэсэн түр зуурын халуурал мэт боловч Miniso-гийн дэлгүүрийн сүлжээ, маркетингийн агуу хүчээр хүчтэй өрсөлдөгч болоод байна. Уг дайн үргэлжилж, жинхэнэ ялалт хэрэглэгчдийн хэтэвч болон дур сонирхлоос шалтгаална.

Дэлгэрэнгүй

Нийгэм

“Дээлтэй Монгол” наадам энэ сарын 8-нд болно

Published

on

Нийслэлийн Засаг даргын тамгын газар, нийслэлийн Аялал жуулчлалын газар, Соёл, Спорт, Аялал жуулчлал, Залуучуудын яам, Улсын хүүхэд залуучуудын театр, Монголын Аялал жуулчлалын холбоо болон “Монгол костюмс” төв хамтран “Дээлтэй Монгол наадам”-ыг 19 дэх удаагаа зохион байгуулах гэж байна.  Тус наадам энэ сарын 8-ны өдрийн 11 цагт Д.Сүхбаатарын талбайд болно.

Наадмын үеэр:
–    Шилдэг дүүрэг
–    Шилдэг аж ахуйн нэгж байгууллага
–    Шилдэг дээл урлаач
–    Хамгийн сайхан дээлтэй гэр бүл
–    Хамгийн сайхан дээлтэй оролцогч
–    Монгол үндэсний хувцастай гадаадын шилдэг оролцогч
–    Хамгийн сайхан дээлтэй хүүхэдийг тус тус шалгаруулах юм.

Энэ үеэр үндэсний хувцасны загварын үзүүлбэр, үндэсний тоглоом, наадгай, дээл, хувцас урлаачдын үзэсгэлэн худалдаа болох юм. Мөн хүүхэд залуучуудад зориулсан орчин үеийн хамтлаг дуучдын тоглолт болох тул иргэд та бүхнийг өргөнөөр оролцохыг уриалж байна.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

2025.07.02

Дэлгэрэнгүй
Сурталчилгаа

Трэнд

© 2025 ГҮРЭН НЬЮС МЕДИА ГРУПП. БҮХ ЭРХ ХУУЛИАР ХАМГААЛАГДСАН.