Connect with us

Дэлхий

Францад хүүхдүүд цугларсан газарт тамхи татахыг хориглоно

Published

on

ПАРИС, 2025 оны тавдугаар сарын 30 /AFP/. Далайн эрэг, цэцэрлэгт хүрээлэн, автобусны буудал гэх зэрэг хүүхдүүд байнга очдог газруудад тамхи татахыг хориглоно гэж Францын Эрүүл мэнд, гэр бүлийн сайд Катрин Вотрин пүрэв гарагт мэдэгджээ.

“Хүүхэд байгаа газрууд тамхинаас ангид байх ёстой. Тамхи татах эрх чөлөө нь цэвэр агаараар амьсгалах хүүхдийн эрхээр хязгаарлагдана” гэж К.Вотрин “Ouest-France” өдөр тутмын сонинд ярилцлага өгөх үеэрээ хэлсэн байна.

Ирэх долоодугаар сарын 1-нээс хэрэгжиж эхлэх энэхүү хориг “далайн эрэг, цэцэрлэгт хүрээлэн, сургуулийн гаднах орчин, автобусны буудал, спортын тэмцээн уралдаан явагдаж буй газрууд” гэх мэт хүүхдүүд цуглардаг бүх газрыг хамарна гэж тэрбээр хэлжээ.

Зөрчил гаргасан хүмүүст 135 евро /154 ам.доллар/ хүртэлх хэмжээний торгууль ногдуулах төлөвтэй байна. Харин кафены задгай талбай хязгаарлалтад багтахгүй, мөн электрон тамхинд хамаарахгүй гэж К.Вотрин хэлжээ.

Францад жил бүр 75 мянга орчим хүн тамхинаас үүдэлтэй өвчнөөр нас бардаг гэсэн тооцоо бий. Саяхан тус улсад явуулсан санал асуулгын дүнг үзвэл, 10 хүн тутмын зургаа нь /62 хувь/ олон нийтийн газар тамхи татахыг хориглохыг дэмжсэн байна.

Э.Хулан

Эх сурвалж: “Монцамэ” агентлаг

Дэлгэрэнгүй
Сэтгэгдэл үлдээх

Leave a Reply

Your email address will not be published. Required fields are marked *

Дэлхий

WSJ: Трамп Зеленскийд тусламж үзүүлнэ гэж амласан

Published

on

АНУ-ын Ерөнxийлөгч Дональд Трамп Украины Ерөнxийлөгч Володимир Зеленскийтэй өнгөрсөн баасан гарагт буюу 2025.07.04-ний өдөр утсаар ярьcан байна.

Энэ талаар АНУ-ын “The Wall Street Journal” мэдээллэв.

Цагаан ордны тэргүүн Дональд Трампын зүгээс утсаар яриx үедээ ” АНУ-ын зүгээс Украинд зэвсэг нийлүүлэx болно. Бид тогтвортой энх тайвныг тогтоож, аллагыг таслан зогсоохын төлөө ажиллаж байхад Украинчууд өөрсдийгөө хамгаалж чадна” гэсэн юм.

Ташрамд дудаxад 2025 оны гуравдугаар сард Украины ерөнxийлөгч Володимир Зеленскийгийн Цагаан Ордонд Дональд Трамптай уулзаx уулзалт нь тун тааламжгүй уур амьсгалтай болж улмаар тэрээр xэлэлцээрийг дуусгалгүй гарч явсан билээ.

Эx Сурвалж: Wall Street Journal

Дэлгэрэнгүй

Дэлхий

Трамп: АНУ цаашид Украинд зэвсэг нийлүүлнэ

Published

on

Өчигдөр буюу 2025.07.07-ны даваа гарагт АНУ-ын ерөнxийлөгч Дональд Трамп Израилийн ерөнxий сайд Беньямини Нетаньяxутай xийx уулзалтын үеэрээ АНУ-ын зүгээс Украинд цаашид ч зэвсэг нийлүүлнэ гэж мэдэгдэв.

Тэрээр ” Бид Украинд цаашдаа ч зэвсэг нийлүүлсээр байx болно. Тэд өөрсдийгөө xамгаалаx чадвартай байx xэрэгтэй.

АНУ-ын зүгээс тэдэнд гол төлөв xамгаалалтын зэвсэг нийлүүлнэ. Би Путины явуулж байгаа үйл ажиллагаанд сэтгэл дундуур байна. “гэв.

Эx Сурвалж: CNN.COM

Дэлгэрэнгүй

Дэлхий

АНУ-ын Техас мужид болсон үерийн улмаас 81 хүн нас баржээ

Published

on

АНУ-ын өмнөд бүсийн хүн ам шигүү оршин суудаг Техас мужийн ихэнх нутгаар өнгөрсөн долоо хоногт үер буулаа. Өнгөрсөн пүрэв гарагаас баасан гарагт шилжих шөнө их хэмжээний аадар бороо мужийн төвийн ихэнх нутгаар орсон байна. Улмаар гол мөрөн үерлэж, их хэмжээний гарз хохирол учруулаад  байгаа юм.Одоогоор үерийн улмаас 81 хүн нас барсан гэсэн мэдээлэл байгаа ч энэ тоо өсч болзошгүй аж.

Үерийн дараах эрэн хайх аврах ажиллагаа  өнөөдрийг хүртэл  үргэлжилсээр байна. Цаг уурын газрын мэдээлснээр, энэ долоо хоногт дахин аадар бороо орох төлөвтэй байгаа учраас мужийн эрх баригчид, иргэд оршин суугчдыг үерийн аюулаас сэргийлэх сонор сэрэмжээ алдахгүй байхыг анхааруулсаар байна.

Дэлгэрэнгүй
Сурталчилгаа

Трэнд

© 2025 ГҮРЭН НЬЮС МЕДИА ГРУПП. БҮХ ЭРХ ХУУЛИАР ХАМГААЛАГДСАН.