Улс төр
Л.Оюун-Эрдэнэ: Миний хүүгийн найз бүсгүй жирэмсэн болсон тул 17 саяын бөгж бэлэглэсэн юм билээ
УИХ-ын Төрийн байгуулалтын байнгын хорооны хуралдаанаар Ерөнхий сайд Л.Оюун-Эрдэнэд итгэл хүлээлгэх эсэх асуудлыг хэлэлцлээ. Энэ үеэр УИХ-ын гишүүн О.Номинчимэг: -Өнөөдрийн энэ асуудал Ерөнхий сайдын хүүгийн асуудал дэгдсэнээс болсон. “Орлогоо нотол” гэдэг хөдөлгөөн өрнөсөн. Удалгүй “Огцрох амархан” болж хувирсан. Цаашлаад МАН-ын Бага хурал хамтарсан Засгийн газраас АН-ыг гаргах асуудал болж хувирсан. Өнөөдөр бид Ерөнхий сайдад бодлогын дэмжлэг үзүүлэх эсэх асуудал болгоод хэлэлцэж байна. Гурван долоо хоногийн хугацаанд орлогоо нотлох асуудал нь яагаад бодлогын дэмжлэг үзүүлэх эсэх болсныг иргэд олон нийт гайхаж байгаа.
Цахим орчинд нэгнээ харлуулах пи-ар хэтэрлээ. Энэ асуудлыг сарниулах гэсэн олон дуулианаас үнэхээр залхаж байна. Мөн УИХ-ын гишүүд рүү мессэж их ирж байна. Шийдвэрт нөлөөлөх зорилготой. Орлогоо нотлох асуудал яагаад ингээд хувирчихав. Орлогоо нотлох процесс ямар шатандаа явна вэ?
Ерөнхий сайд Л.Оюун-Эрдэнэ: -АТГ-т бүх материалаа бүрдүүлээд өгсөн. Хөрөнгө, орлогын мэдүүлэгт тулгуурлаад дүгнэлт гаргаж, хариу өгдөг юм байна. Үүнд 30-60 хоног шаардах юм билээ.
Хүүтэйгээ уулзаж, ярилцсан. Хүү маань 23 настай. Нэгэн бүсгүйд хайр сэтгэлтэй болсон нь үнэн юм байна. Бие давхар болоод бөгж бэлэглэсэн юм билээ. Бөгж нь 17 сая төгрөгийн үнэтэй. Бас бугуйвч бэлэглэсэн, тэр нь 500 мянган төгрөгийн үнэтэй. Авсан дэлгүүрийн баримт гэх мэт бүх баримтыг нь АТГ-т өгсөн.
Үнэтэй машин өгсөн гэдэг нь худлаа мэдээлэл. Би судалж үзсэн. Тэр автомашин нь Монголд 10 хүрэхгүй л байдаг юм билээ. Манай хүү багаасаа зураг авах сонирхолтой байсан. Сонирхлынхоо дагуу контент хийх дуртай. Манай аав бол зураач хүн. Харин манай хүүд ийм авьяас бий. Түүнийхээ дагуу ажиллаж байгаа” гэв.
УИХ-ын чуулган өнөөдөр хаалтаа хийх бөгөөд нийт 22 хуулийн төслийг эцэслэн баталж байна.Тухайлбал,
Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуульд өөрчлөлт оруулах тухай хуулийн төслийг эцэслэн батлах санал хураалт явуулж, 73 УИХ-ын гишүүн дэмжлээ.
Аж ахуйн нэгжийн орлогын албан татварын тухай хуульд нэмэлт оруулахыг эцэслэн батлах санал хураалт явуулж, 29 гишүүн дэмжиж, дэмжигдсэнгүй. Хуулийн төслийг буцаалаа.
Монгол Улсын 2025 оны Төсвийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн хууль тогтоолын төслүүдийг эцэслэн батлах санал хураалт явуулж, 64 УИХ-ын гишүүн дэмжиж, дэмжигдсэнгүй.
Алт-3 аяныг хэрэгжүүлэх УИХ-ын тогтоолын төслийг батлах санал хураалт явуулж, 53 гишүүн дэмжлээ.
Харьяатын тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төсөл эцэслэх батлах санал хураалт явуулж, 68 гишүүн дэмжлээ.
Хамт өргөн мэдүүлсэн Ажиллах хүчний шилжилт хөдөлгөөний тухай хуулийг эцэслэн батлах санал хураалт явуулж, 67 УИХ-ын гишүүн дэмжлээ.
Төсвийн тогтвортой байдлын тухай нэмэлт оруулах тухай хуулийг эцэслэн батлах санал хураалт явуулж, 72 гишүүн дэмжлээ.
Хот байгуулалтын тухай хуулийн төслийг эцэслэн батлах санал хураалт явуулж, 67 гишүүн дэмжлээ.
Барилгын тухай хуульд нэмэлт өөрчлөлт оруулахыг эцэслэн батлах санал хураалтаар 73 гишүүн дэмжлээ.
Хот суурин газрыг дахин хөгжүүлэх тухай хуульд нэмэлт өөрчлөлт оруулахыг эцэслэн батлах санал хураалтаар 70 гишүүн дэмжлээ.
Хот тосгоны эрх зүйн байдлын тухай хуульд нэмэлт оруулах тухай эцэслэн батлах санал хураалтаар 71 гишүүн дэмжлээ
Түгжрэлийн тухай хуулийн төслийг эцэслэн батлах санал хураалт явуулж, 61 УИХ-ын гишүүн дэмжлээ.
Улс төр
Засгийн газраас шуурхай авч хэрэгжүүлэх зарим арга хэмжээний тухай Ерөнхий сайдын албан даалгавар гарлаа
Монгол Улсын Ерөнхийлөгч Ухнаагийн Хүрэлсүхийн урилгаар төрийн айлчлал хийж буй Япон Улсын Цог Жавхлант Эзэн Хаан Нарүхито Техник, технологийн дээд сургуулийн харьяа “Монгол Коосэн” технологийн коллежид зочиллоо.
Эзэн Хаан Нарүхито коллежийн механик инженерчлэлийн ангиар зочлон багш, сурагчидтай уулзаж, чөлөөт ярилцлага хийлээ.
“Монгол Коосэн технологийн коллеж” нь Японы “коосэн” технологийн коллежийн хөтөлбөрийг загвар болгон технологи, инженерийн сургалт, судалгаа, аж үйлдвэрлэлийн салбарт “ноу-хау” нэвтрүүлдэг.
Суурь боловсролтой хүүхэд, залуучуудыг 5 жилийн хугацаанд сургаж инженер бэлтгэдэг юм.
Монгол Улсын Засгийн газар, Японы Олон улсын хамтын ажиллагааны байгууллага (ЖАЙКА) хооронд 2014 онд байгуулсан зээлийн хэлэлцээрийн дагуу Боловсролын яамнаас “Инженер, технологийн дээд боловсрол” (1000 инженер) төслийг амжилттай хэрэгжүүлээд байна.
Манай улсад нэн шаардлагатай өндөр ур чадвар бүхий инженер, технологийн мэргэжилтэн бэлтгэх, инженерийн боловсролын чанарыг дээшлүүлэх, багшлах боловсон хүчний нөөцийг бэхжүүлэх, сургалт, судалгааны орчныг шинэчлэн сайжруулах төсөл хэрэгжүүлдэг.
Төслийн хүрээнд бакалаврын хамтарсан хөтөлбөрөөр 292, “коосэн” хөтөлбөрөөр 177, магистр 37, доктор 104, зэргийн бус богино хугацааны сургалтаар 488, нийт 1,098 оюутан, багш судлаач Японд боловсрол эзэмшиж, төгсөгчдийн 96 хувь нь мэргэжлийнхээ дагуу ажиллаж байна.
Одоогийн байдлаар Улаанбаатар хотноо ШУТИС-ийн харьяа “Технологийн коллеж”, “Монгол Коосэн технологийн коллеж”, “Шинэ Монгол технологийн коллеж” гэсэн гурван “коосэн” байдаг. Мөн Дархан-Уул, Орхон, Өмнөговь аймагт гурван “коосэн” үйл ажиллагаа явуулж байна.
Шинэ үеийн ” K Pop” уран бүтээлчдийн төлөөллүүд Улаанбаатарт xуран чуулаx гэж байна
“Солонгосын Beyonce”, Олон ангит киноны дуунуудын xатан xаан “Ailee”
Жан На Ра: Жан Xьюкаас суралцаx зүйл маш иx байдаг. Тэр бол төгс жүжигчин
“Зуны зугаа” шоу тоглолтын үеэр бусдын биед халдаж, танхайрсан 35 дуудлага цагдаагийн байгууллагад бүртгэгджээ
Сэрэмжлүүлэг: Нийслэлд энэ сарын 15-18-ныг хүртэл бороотой сэрүүн өдрүүд үргэлжилнэ
Танилц: Зургаадугаар сард зоxион байгуулагдаx Үндэсний бөxийн барилдаанууд
-
Нийгэм1 month ago“Зуны зугаа” шоу тоглолтын үеэр бусдын биед халдаж, танхайрсан 35 дуудлага цагдаагийн байгууллагад бүртгэгджээ
-
Нийгэм2 months agoСэрэмжлүүлэг: Нийслэлд энэ сарын 15-18-ныг хүртэл бороотой сэрүүн өдрүүд үргэлжилнэ
-
Нийгэм1 month agoТанилц: Зургаадугаар сард зоxион байгуулагдаx Үндэсний бөxийн барилдаанууд
-
Нийгэм2 months agoКовидын шинэ давлагаа Азийг нөмөрчээ
-
Нийгэм1 week agoСэрэмжлүүлэг: Гэмгүй залууг хажуугаар нь өнгөрөхдөө хутгалж, яаж байгаа юм гэхэд “Гүйцээчихнэ шүү” гэжээ
-
Нийгэм1 month agoА.Бямбажаргал хүүг 10 дахь хоногтоо эрэн хайж байна
-
Спорт4 weeks agoЧ.Батзориг: За, тэр гар ачлаа
-
Спорт2 weeks agoӨ.Тулгаа: Сайxан “Начин” болчиxод болно доо л гэж боддог байлаа