Нийслэлийн удирдах ажилтнуудын ээлжит шуурхай зөвлөгөөн өнөөдөр болж, 2025 оныг “Бүтээн байгуулалтын жил” болгон зарласан үр дүнгээ дүгнэж, 2026 оны шинэ төлөвлөгөө, үйл ажиллагаа, төсөл хөтөлбөрүүдийн талаар хэлэлцлээ.

Энэ үеэр нийслэлийн Засаг дарга бөгөөд Улаанбаатар хотын Захирагч Х.Нямбаатар “Нийслэлээс 2025 оныг бүтээн байгуулалтын жил болгон зарлаж, олон ажлыг гараанаас гаргалаа. “Сэлбэ 20 минутын хот” төслийн хүрээнд 8575 айлын орон сууц барихаар бүтээн байгуулалтыг эхлүүлсэн. Өнөөдрийн байдлаар 113 блокоос 82 блокийн суурийн ажлыг хийж байна. Туулын хурдны замын бүтээн байгуулалтын бэлтгэл ажил 80 хувьтай. Тойрог замын тендерийг зарлахаар бэлтгэж байна. Метроны бүтээн байгуулалтын гүйцэтгэгчийг сонгон шалгаруулах хоёрдугаар шатны тендерийг зарласан. Дүүжин замын тээврийн 18 тулгуур баганыг суурилуулж, төслийн нийт ажил 54 хувьтай үргэлжилж байна. Дулааны тавдугаар цахилгаан станц, Хог шатааж, эрчим хүч үйлдвэрлэх үйлдвэр барих түншлэгчтэй гэрээ байгуулж, бичиг цаасны ажлууд цэгцэрлээ. 2026 оныг Улаанбаатар хот “Бизнес эрхлэгчдийг дэмжих жил” болгон зарлаж, бизнес эрхлэгчдээ бүхий л талаар дэмжиж ажиллана. Үндэсний үйлдвэрлэгч, жижиг, дунд үйлдвэр, бүтээн байгуулагчдаа дэмжиж байж хамтдаа хөгжинө. Үүний тулд хамгийн түрүүнд зөвшөөрөл, бичиг баримт өгдөг газрууд, эрчим хүч, ус, дулаан хангамжаар хангадаг байгууллагуудын хандлагыг өөрчилж, шат дамжлагыг цөөлнө. Нэг хорооны хүнсний дэлгүүрээс топ ААН хүртэлх бүхий л бизнес эрхлэгчдийг дэмжинэ” гэдгийг онцоллоо.

Бизнесийн харилцаа, хамтын ажиллагааг өргөжүүлэх зорилготой олон Улсын бизнесийн байгууллага болох Business Network International (BNI)-ийн “BNI OASIS” салбар Дорноговь аймагт албан ёсоор нээлтээ хийх гэж байна.

BNI нь 40 жилийн түүхтэй, дэлхийн 80 гаруй оронд 345,000 гаруй гишүүнтэйгээр үйл ажиллагаа явуулж, бизнес эрхлэгчдийг итгэлцэл, харилцан ашигтай хамтын ажиллагаанд холбодог дэлхийн хамгийн том бизнесийн нэгдэл бөгөөд Монгол Улсад BNI 2022 оноос үйл ажиллагаагаа эхлүүлсэн билээ.

Манай улсын хэмжээнд 22 дахь салбар болж байгаа Дорноговь, Говьсүмбэр аймгуудын бизнес эрхлэгчдийг нэгтгэсэн BNI OASIS салбарын нээлтийн үйл ажиллагаанд орон нутгийн удирдлага, бизнес эрхлэгчид, BNI-ийн монголын төлөөлөл, Улаанбаатар болон бусад салбарын гишүүд оролцох юм.

Мөн цаашид  баасан гараг бүрийн 07:30 – 10:30 цагт тус салбарын гишүүдтэй танилцан, бизнес нэгдлийн ач холбогдол, хамтын хөгжлийн талаар туршлага солилцох боломжийг олгох юм.

Та тодруулахыг хүссэн зүйлээ 9909-4266, 9908-3999 дугааруудад хандан лавлаж болно.

Пэйж хуудас: Facebook

Шинэ харилцаа, шинэ боломж, шинэ хамтын ажиллагаа таныг хүлээж байна.

BNI “Givers Gain®” – Өглөгч хүн өөдөлдөг

Гурван тэрбум төгрөгийн хөрөнгөөр хүүхдийн эрүүл мэндэд шинэ шинэ дэвшилтэт технологи нэвтрэх боломж бүрдэв

Монгол Улсад анх удаа “Tandem Mass Spectrometry” оношилгооны дэвшилтэт төхөөрөмжийг нэвтрүүлэхэд нийт 2.5 тэрбум төгрөгийн хандив цугларчээ. Энэхүү хөрөнгө оруулалт нь UNICEF-ийн санаачилсан хүүхдийн эрүүл мэндийг хамгаалах хандивын аяны хүрээнд олж нэмэгдсэн бөгөөд Монголын хүүхэд бүрийн ирээдүйд эерэг өөрчлөлт авчрах зөв алхам боллоо.

Энэхүү технологийг Монголд нэвтрүүлснээр, ялангуяа нярайн үед тохиолдож болзошгүй ховор, амь насанд аюултай эмгэгүүдийг эрт илрүүлэх боломж нээгдэж байна. “Tandem Mass Spectrometry” нь олон төрлийн генетийн эмгэгийг нэгэн зэрэг илрүүлэх хүчин чадалтай бөгөөд үр дүн нь эмчилгээ, урьдчилан сэргийлэх арга хэмжээг эрт эхлүүлэхэд чухал ач холбогдолтой юм. Тус технологи нь дэлхийн олон оронд хүүхдийн эрүүл мэндийн тэнцвэрийг хадгалах, эмгэг илрүүлэлтэд хувьсал хийж буй шинэ үеийн шийдэл гэдгээрээ онцлог.

Энэхүү ололт нь зөвхөн техник технологийн хөгжлөөс гадна улс орны эрүүл мэндийн салбарт гарсан томоохон дэвшил бөгөөд олон улсын жишигт нийцсэн шинэ стандартыг Монголд нэвтрүүлэх алхам боллоо. Хүүхдийн эрүүл мэндийн салбарт хэрэгжиж буй энэ шинэчлэл нь зөвхөн ирээдүйн эмчилгээний чанарыг сайжруулах төдийгүй, улсын нийгэм эдийн засаг, хүний нөөцийн хөгжилд эерэг нөлөө үзүүлнэ.

Энэ үйл хэрэгт хамтран оролцсон “Имарт” сүлжээ, хамт олон, мөн олон нийтийн дэмжлэг нь Монгол Улсад анх удаа хэрэгжиж буй энэ шинэ технологийг нэвтрүүлэхэд түүхэн үүрэг гүйцэтгэж байна. Тэдний гаргасан сайн үйлсийн хөрөнгө оруулалт нь хүүхэд бүрийн эрхийг хамгаалах, эрүүл, аз жаргалтай өсөж хөгжих орчин бүрдүүлэхэд чухал түлхэц болох зорилготой юм.

Цаашид энэ шинэ технологийг ашиглан, хүүхдийн генетик эмгэгийг эрт илрүүлэх үйлчилгээг өргөжүүлж, салбарын мэргэшсэн мэргэжилтнүүдийг бэлтгэх, орон нутгийн эмнэлгүүдийн чадавхийг нэмэгдүүлэхэд чиглэсэн стратеги боловсруулж буй. Мөн улсын бодлого, хууль эрх зүйн орчныг шинэ технологиор уялдуулан, илүү ил тод, хүртээмжтэй үйлчилгээ бий болгох зорилт тавигдаж байна.

Энэ шинэчлэл нь зөвхөн технологийн хөгжил төдийгүй, хүний эрхэд суурилсан, энэрэнгүй нийгмийг цогцлоох талаар хийж буй томоохон алхам бөгөөд ирээдүйн хүүхэд бүрийн эрүүл, аюулгүй өсөж хөгжих нөхцлийг бүрдүүлэхэд үнэт хувь нэмэр орох нь дамжиггүй. Монголын хүүхэд, ирээдүй хойчид зориулсан энэхүү хөрөнгө оруулалт нь зөвхөн одоогийн хэрэгцээг хангаад зогсохгүй, олон улсын стандарт, шинэ технологитой хөл нийлүүлэн алхах суурь болно.

Тиймээс, энэ чиглэлийн цаашдын зорилт нь зөвхөн шинэ тоног төхөөрөмжийг ашиглах төдийгүй, хүүхдийн эрүүл мэндийн салбарт шинжлэх ухаан, техник, мэргэжилтэн хөгжүүлэхэд чиглэсэн системийн шинэчлэл, олон талын хамтын ажиллагааг эрчимжүүлэхэд оршино. Энэ нь Монгол Улсын ирээдүйн хөгжил, нийгмийн чадамжийг бэхжүүлж, хүний эрхийн баталгааг хангахад чухал алхам болно гэдэгт итгэлтэй байна.