Газын зурвасын 760 гаруй хоргодох байранд 850 мянга орчим оршин суугч үерийн аюулд нэрвэгдэж болзошгүй байна

Палестинчуудын хувьд газар нутгийн маргаан, аюулгүй байдал, эдийн засгийн хүнд нөхцөл нь хэзээ ч зогсохгүй хүнд хэцүү байдал үүсгэсээр байна. Тодруулбал зүүн хил орчмын Газын зурвас дахь олон мянган хүн орон гэрээсээ дүрвэж, үерийн улмаас дахин хоргодох байраа олох шаардлагатай болжээ.

Энэ удаагийн үерийн гамшиг нь хүнд нөхцөлд буй палестинчуудын амьдралыг улам хүндрүүлж байна. Иргэний хамгаалалтаас авсан мэдээллээр, орон гэрээсээ дүрвэж, майханд хоног төөрүүлж байсан олон хүн усны хүчтэй урсгалаас шалтгаалан майхандаа гацсан, эсвэл эвдэрч нурсан байдалтай байна. Зарим нь майхнаа тойруулан ус зайлуулах суваг шуудуу ухаж, борооны үерээс хамгаалах оролдлого хийж байгаа ч, цаг агаарын хүнд нөхцөл нь хүндрэл учруулж байна. Албаныхны мэдээллээр  энэ байдал баасан гараг хүртэл үргэлжлэх төлөвтэй бөгөөд аюулын хэмжээг нэмэгдүүлж байна гэжээ.

НҮБ-ын мэдээллээр, Газын зурвасын 760 орчим хоргодох байранд 850 мянга орчим хүн үерийн аюулд нэрвэгдэж болзошгүй байна. Одоогийн байдлаар хүмүүнлэгийн байгууллагуудын тоног төхөөрөмж, техник хэрэгсэл хүрэлцэхгүй байгаагаас аврах ажиллагаа, тусламж үзүүлэхэд хүндрэл үүсээд байна. Тусламжийн хэрэгслүүдийг Газын зурвас руу нэвтрүүлэх зөвшөөрөл авах хүсэлт Израилийн засгийн газраас хүлээн авч буй ч, эрхзүйн болон аюулгүй байдлын шалтгаанаар хүндхэн нөхцөл байдал үүссээр байна.

Газын зурвас нь нийт 2.2 сая хүн амтай бөгөөд газар нутгийн 43 хувьд оршин суугчид төвлөрч байна. Үлдсэн 57 хувь нь Израилийн хяналт дор байгаа бүсэд байрладаг. Тухайн нөхцөлд олон мянган хүн үерийн аюулд нэрвэгдэж, гэр оронгүй, хоолны хомсдолд орж буй нь хүнсний хангамж, эрүүл мэндийн хөнөөлтэй тулгарч байгааг олон улсын байгууллагууд анхааруулж байна.

Цаашид, үерийн аюулыг бууруулах, хүмүүнлэгийн тусламжийг хурдан хүргэх, орон нутгийн хамгаалалтыг сайжруулах зэрэг арга хэмжээнүүдийг нэмэгдүүлэх шаардлагатай байна. Үерийн аюулыг урьдчилан мэдэрч, урьдчилан сэргийлэх системийг хөгжүүлэх нь энэ бүс нутгийн иргэдийн амьдралыг хамгаалах гол хүчин зүйл болж буй бөгөөд  хамгийн чухал нь улс төрийн маргаан аюулгүй байдлын нөхцлийг сайжруулж, олон улсын дэмжлэгийг нэмэгдүүлэх хэрэгтэйг шинжээчид онцолж байна.

Эх сурвалж AL Jazeera

Мэдээ бэлтгэсэн Ө.Дөлгөөн

АНУ-ын Ерөнхийлөгч Дональд Трамп Лхагва гарагт “Трамп Голд Кард” нэртэй шинэ төрлийн визний хөтөлбөрийг албан ёсоор нэвтрүүллээ. Энэхүү хөтөлбөрөөр гадаадын иргэд 1 сая ам.долларын хувь нэмэр оруулан визний өргөдлөө богино хугацаанд шийдвэрлүүлэх боломжтой. Харин АНУ-ын компаниуд гадаад ажилтнаа спонсорлохын тулд 2 сая ам.доллар төлөх нөхцөлтэй юм.

Трамп Цагаан ордонд болсон хэлэлцүүлгийн үеэр ерөнхийлөгч Дональд Трамп  “Манай улс болон надад маш том боломж нээгдэж байна. Бид ‘Трамп Голд Кард’-ыг албан ёсоор эхлүүллээ” хэмээн мэдэгджээ.

Хөтөлбөрийн trumpcard.gov вэбсайтад албан ёсны өргөдлийн маягт байрлаж, “АНУ-ын оршин суух эрхийг рекорд хугацаанд олгоно” гэж амлажээ. Хүсэлт гаргагч иргэд  15,000 ам.долларын боловсруулах хураамжийн дараа суурь шалгалт тэнцсэн тохиолдолд  1 сая ам.долларын төлбөр төлөн АНУ-ын оршин суух эрх авах боломжтой.

Эх сурвалж  CNN

Сэтгүүлч Х.Бямбадалай

Лондон дахь Александра ордонд 2026 оны PDC Дартсын дэлхийн аварга шалгаруулах тэмцээн эхэллээ

Лондонд 2026 оны PDC Дартсын дэлхийн аварга шалгаруулах тэмцээн өнөөдөр албан ёсоор эхэллээ. Тэмцээний эхний өдөр 128 оролцогчид өөрсдийн ур чадвараа сорьж байна.

Энэхүү тэмцээн нь олон улсын дартсын хамгийн нэр хүндтэй, хамгийн өрсөлдөөнтэй уралдаан юм. Өнгөрсөн жилийн финалд 18 настай Люк Литтлер Майкл ван Гервенийг ялж, аварга цол хүртсэн нь спортын түүхэнд шинэ хуудас нээсэн бөгөөд энэ жил 128 тоглогч оролцох болсноор өрсөлдөөнтэй, туршлагатай мэргэжилтнүүдийн хоорондох уралдаан илүү өргөн цар хүрээтэй болж байна.

Тэмцээний зохион байгуулалт, оролцогчдын тоо өнгөрсөн жилээс 32-оор нэмэгдсэн нь спортын өсөлт, олон улсын оролцооны эрчимжилтээс харагдаж байна. Тоглолт ирэх 1-р сарын 3-ны өдөр финалын тоглолтоор өндөрлөж, дэлхийн шилдэг дартсчин тодрох юм.

Энэ жилийн онцлог нь шинэ одод, залуу уран бүтээлчдийн илүү өрсөлдөөнтэй уралдаан болж байна. Мөн олон улсын спортын шинжээчид энэ уралдааныг дартсын хөгжлийн шинэ үеийн эхлэл хэмээн үзэж байна.

Эх сурвалж BBC Talk sport

Мэдээ бэлтгэсэн Ө.Дөлгөөн