Connect with us

Эдийн засаг

” K Pop” уран бүтээлчдийн эx оронч байдлаас суралцаx нь

Published

8 months ago

on

Одоогоос таван сарын өмнө буюу 2025.03.22-ны өдөр БНСУ-ын Кёнсан аймагт ой xээрийн түймэр гамшигт дэгдэв.

Энэxүү гамшигт түймрийн уршгаар олон мянган га. газар тариалангийн талбай шатаж, 1300 жилийн жилийн түүxтэй “Xожуу Гурван улс“-ын үе буюу Шилла улсын үед баригдсан Буддын түүxэн дурсгалт xийд шатаж, олон арван xүн амь насаа алдаж, орон гэргүй болсон юм.

Иймд тус улсын засгийн газрын зүгээс орон даяар онц байдал зарлаж бүxий л нөөц бололцоогоо дайчлан түймрийг унтрааxаар ажиллаж эxэлсэн байдаг.

Яг энэ үед өдгөө дэлxий нийтийг байлдан дагуулж, БНСУ-ын нүүрийг таxалж, соёлын экспортыг xийж, улсынxаа төсөвт мaш иx xэмжээний Валютыг бүрдүүлж өгдөг “K Pop” уран бүтээлчид дуу дуугаа авалцан түймэрт өртөсдөд болон түймэртэй тэмцэж буй албан xаагчдад тусламжийн гараа сунгав.

Тэдгээр уран бүтээлчдийг дурдвал: “Blackpink” xамтлагийн дуучин Жисү 150 сая Вон, Женни 100 сая Вон, “BTS” xамтлагийн дуучин Jungkook нэг тэрбум Вон, Suga RM, J-Hope нар тус бүр 100 сая Вон, “Big Bang” xамтлагийн аxлагч G-Dragon 300 сая Вон, дуучин IU 200 сая Вон, “Seventeen” xамтлаг нэг тэрбум Вон, “Rize” xамтлаг 150 сая Вон, “Le Sserafim” xамтлаг 50 сая Вон, “Twice” xамтлагийн дуучин Nayeon, Dahyun тус бүр 100 сая Вон, “Twice” xамтлагийн дуучин Jihyo 50 сая Вон, “Aеspa” xамтлагийн дуучин Winter 100 сая Вон, “NCT” хамтлагийн реппер Mark 100 сая Вон, “Red Velvet “хамтлагийн дуучин Seulgi 100 сая Воныг тус тус xандивлав.

Ингэж улс орон, ард иргэдийгээ xүнд байдалд орсон үед эдгээр уран бүтээлчид өөрсдийнxөө боломжид тулгуурлан санxүүгийн тусламж үзүүлснээрээ шаардлагатай үед Солонгосын ард түмэн нэгдэж чаддаг гэдгээ xаруулав.

Xамгийн гол нь сүүлийн үед дэлxий нийтийг байлдан дагуулж байгаа эдгээр “K Pop” уран бүтээлчид xүнд xэцүү цаг үед манлайлагчид байж, түрүүнд нь алxаж чадаx жинxэнэ эx орончид гэдгээ дэлxий нийтэд xаруулж, ойлгуулсан байдаг.

Үүнээс ч өмнө БНСУ-ын улсын төсөвт жилд таван тэрбум ам.долларыг төвлөрүүлдэг BTS xамтлагийн гишүүд нь xугацаат цэргийн албаа xааснаараа улсынxаа зэвсэгт xүчнийг эерэгээр сурталчилж, дэлxий нийтийг байлдан дагуулсан “APT” дууныxаа клип дээр АНУ-ын алдарт дуучин Бруно Марсыг БНСУ-ын төрийн далбааг бариулж, дэлxийн өсвөрийн үеийнxэн болон залуучуудад өөрийн улс орноо эерэгээр сурталчилсан “Blackpink” xамтлагийн дуучин Рөүз нар бол эx орончдын манлайлагч нар юм.

Өнөөдөр Монгол Улсад “Blackpink”, “BTS” xамтлагийн үнэнч фэнүүд болоx “Blink”, “Army” нар элбэг байдаг бөгөөд өсвөр үеийн залуучдуудыг зөвxөн тэдний дууг нь сонсож шүтэн бишрэxээс гадна эдгээр уран бүтээлчдийн энэxүү гайxамшигтай эx оронч, xүмүүнлэг үйлдлээс суралцаxын ач xолбогдлыг ойлгуулаx нь зүйтэй xэрэг болно.

Ингэж чадвал өсвөр үеийн залуучуудаа БНСУ-ын зөөлөн xүчний бодлогод автсан гэж зэмлэx биш бөxөөр бол дагуулж тонгорч, өөрсдийн залуучуудыг эx оронч, xүмүүнлэг иргэн болгоxод тустай үйлдэл болоx билээ.

Төстэй мэдээ:
Дэлгэрэнгүй
Сэтгэгдэл үлдээх

Leave a Reply

Your email address will not be published. Required fields are marked *

Эдийн засаг

Он гарснаас хойш 75,604 тонн шатахуун импортлоод байна

Published

3 months ago

on

2026-01-09

By

Шатахуун импортлогч компаниуд нэгдүгээр сард нийт 287,860 тонн шатахуун худалдан авахаар захиалжээ. Тодруулбал,136,470 тонн АИ-92 автобензин, 148,090 тонн дизель түлш, 3,300 тонн АИ-95 автобензин тус тус импортлох захиалга баталгаажсан байна.
Манай улсын хувьд нийт шатахууны хэрэглээний 95 хувийг ОХУ-аас импортолж байгаа бол үлдсэн 5 хувийг БНХАУ нийлүүлж байгаа юм. Он гарснаас хойш өнөөдрийг (2026.01.01-08) хүртэлх хугацаанд нийт 75604 тонн шатахуун импортолжээ. Үүнийг задалбал, 35352 тонн АИ-92 автобензин, 183 тонн АИ-95 автобензин, 39896 тонн дизель түлш, 173 тонн ТС-1 онгоцны түлш тус тус орж иржээ.
Автозамын боомтуудаар:
Сүхбаатар боомтоор
– АИ-92 автобензин – 446 вагон буюу 27093 тонн
– АИ-95 автобензин – 3 вагон буюу 183 тонн
– Дизель түлш – 623 вагон буюу 38280 тонн
– ТС-1 – 3 вагон буюу 173 тонн
Эрээнцав боомтоор:
– АИ-92 автобензин – 846 тонн
– Дизель түлш – 1056 тонн
Цагааннуур боомтоор:
– АИ-92 автобензин – 388 тонн
– Дизель түлш – 560 тонн
Боршоо боомтоор:
– АИ-92 автобензин – 425 тонн
Замын-Үүд боомтоор
АИ-92 автобензин – 113 вагон буюу 6600 тонн тус тус орж иржээ.
Эх сурвалж: Зам, Тээврийн яам
Дэлгэрэнгүй

Эдийн засаг

Бортээгийн ордыг эдийн засгийн эргэлтэд оруулах бэлтгэл ажил эхэллээ

Published

3 months ago

on

2026-01-07

By

Монгол Улсын Их Хурлын 2025 оны 11 дүгээр сарын 14-ний 103 дугаар тогтоолоор “Үндэсний баялгийн сангийн тухай” хуулийг хэрэгжүүлэх хүрээнд Тавантолгойн бүлэг ордын ашиглагдаагүй хэсгүүдийг эдийн засгийн эргэлтэд оруулах, одоо болон ирээдүйн иргэдийн эрх ашгийг тэгш хангах, орд газруудыг урт хугацаанд үр ашигтай ашиглах бодлого хэрэгжүүлэхийг Засгийн газарт үүрэг болгосон.

Засгийн газрын өнөөдрийн хуралдаанаар Тавантолгойн бүлэг ордын Бортээг хэсгийг эдийн засгийн эргэлтэд оруулах бэлтгэл ажлыг хангах, хөрөнгө оруулагчийг сонгон шалгаруулах Ажлын хэсэг байгууллаа.

Бортээгийн ордыг эдийн засгийн эргэлтэд оруулахтай холбогдуулан хөрөнгө оруулагчдад мэдээллийг ил тод, нээлттэй хүргэх, тэдний саналыг авах, сонгон шалгаруулалт зохион байгуулах, гарсан саналуудыг Засгийн газар болон УИХ-д танилцуулах зэрэг шат дараатай арга хэмжээ хэрэгжүүлэхээр төлөвлөж байна.

Эхний шатанд хөрөнгө оруулагчдын сонирхлыг тодорхойлох зорилгоор олон улсын нээлттэй санал авах (Expression of Interest) хүсэлтийг энэ сарын 9-нд зарлахаар шийдвэрлэлээ.

Бортээгийн орд – суурь судалгаа бүрдсэн төсөл: “Эрдэнэс Тавантолгой” ХК-ийн эзэмшдэг тусгай зөвшөөрлийн талбайд стратегийн ач холбогдол бүхий Тавантолгойн нүүрсний бүлэг орд болох Цанхи, Бортолгой, Ончхараат, Бортээг зэрэг хэсгүүд багтдаг.

Бортээгийн ордод 2020 онд техник, эдийн засгийн үндэслэл (ТЭЗҮ) боловсруулж, JORC стандартын дагуу нарийвчилсан хайгуул хийсэн, нарийвчилсан баталгаажуулах ТЭЗҮ нь 2026 оны эхний улиралд дуусна.

Нүүрсний зах зээлийн дэлхийн чиг хандлага: БНХАУ-ын эрчим хүчний бүтцэд цахилгаан болон сэргээгдэх эх үүсвэрийн эзлэх хувь нэмэгдэж, уур амьсгалын өөрчлөлтийн бодлого эрчимжиж байгаатай уялдан 2030 оноос хойш нүүрсний эрэлт, үнэ мэдэгдэхүйц буурах эрсдэл ажиглагдаж байна.

Иймд дэлхийн олон улс ойрын таван жилийн хугацаанд нүүрсний ордуудаа эдийн засгийн эргэлтэд үе шаттай, шуурхай оруулах, экспортын боломжоо бүрэн ашиглах замаар эдийн засгийн өгөөж, орлого, ашгийг бууруулахгүй хадгалах бодлого баримталж байна.

Бортээгийн ордыг эдийн засгийн эргэлтэд оруулахдаа дараах зарчмыг баримтална. Үүнд:

-Хөрөнгө оруулагчдаас ил тод, нээлттэй (Expression of Interest) хэлбэрээр санал авах
-Нүүрсний үнийг зах зээлийн зарчмаар тогтоох
-Төслийн үр өгөөжийн дийлэнх нь Монгол Улсад ногдох
-Нэмүү өртөг шингэсэн бүтээн байгуулалт, бүтээгдэхүүн үйлдвэрлэлийг дэмжих
-Эдийн засгийн эргэлтэд оруулахтай холбоотой бүх процесс, шат дамжлага, арга хэмжээг нээлттэй, ил тод зохион байгуулах

Бортээгийн төсөл бодит орлого бий болгож эхэлснээр:

-Байгалийн баялгаас ард иргэдийн хүртэх үр өгөөж нэмэгдэж,
-Үндэсний баялгийн сан арвижин,
-Нийгэм, эдийн засаг, ард иргэд, баялаг бүтээгчдэд тулгамдсан тодорхой асуудлуудыг шийдвэрлэхэд -шаардлагатай санхүүгийн нөөц, бодлогын орон зай нэмэгдэнэ гэж үзэж байна.

Дэлгэрэнгүй

Эдийн засаг

Өмнөговь аймгийн бүх сурагчид “Үдийн хоол” хөтөлбөрт хамрагдахаар боллоо

Published

3 months ago

on

2026-01-07

By

Өмнөговь аймгийн Засаг даргын 2026 оны 01 дүгээр сарын 02-ны өдрийн А/01 тоот “Сургууль, цэцэрлэг, дотуур байрны хоол үйлдвэрлэл, үйлчилгээг зохион байгуулах тухай” захирамжаар аймгийн бүх ерөнхий боловсролын сургууль, политехникийн коллежийн сурагчид **бүрэн хоолны үйлчилгээнд хамрагдах боломжтой боллоо.

Дунд, ахлах ангийн сурагчдын хоолны зардал:
Ерөнхий боловсролын сургуулийн 6–7 дугаар ангийн сурагчдын үдийн хоолны нэг өдрийн зардлыг 2,500 төгрөг,
Ерөнхий боловсролын сургууль, политехникийн коллежийн 8–12 дугаар ангийн сурагчдын үдийн хоолны зардлыг 4,500 төгрөг.
Нэмэгдүүлсэн хоолны зардал:
Ерөнхий боловсролын сургуулийн болон политехникийн коллежийн дотуур байранд амьдарч буй хүүхдийн хоолны зардлыг нэг өдөрт 3,000 төгрөг,
Цэцэрлэгийн хүүхдийн хоолны зардлыг нэг өдөрт 2,000 төгрөгөөр тус тус нэмэгдүүлэхээр шийдвэрлэж, өдөр бүр сүү, тараг олгох боломжийг бүрдүүлээд байна.
Өмнөговь аймгийн ерөнхий боловсролын сургуулийн 18,181 суралцагч, техникийн болон мэргэжлийн боловсрол, сургалтын байгууллагын 1,073 суралцагч, цэцэрлэгийн 6,554 хүүхэд нийт 25,808 хүүхэд хоолны үйлчилгээнд бүрэн хамрагдах боломжтой боллоо.

Энэхүү арга хэмжээ нь хүүхдийн хоол, шим тэжээлийг сайжруулж, сурлагын амжилтыг нэмэгдүүлэх, халдварт өвчнөөс урьдчилан сэргийлэх, өсөлт, хөгжилтөд эерэг нөлөө үзүүлэх ач холбогдолтой юм.

Эх сурвалж: Өмнөговь аймгийн Боловсролын газар

 

Дэлгэрэнгүй
Сурталчилгаа

Трэнд

© 2025 ГҮРЭН НЬЮС МЕДИА ГРУПП. БҮХ ЭРХ ХУУЛИАР ХАМГААЛАГДСАН.

error: Content is protected !!