Хүйтний улирал эхэлсэнтэй холбоотойгоор халаасны хулгайн гэмт хэрэг эрс нэмэгдэж, онцгой анхаарал шаардлагатай байгааг нийслэлийн цагдаагийн байгууллагаас мэдээллээ. Сүүлийн долоо хоногт нийт 123 гомдол шинжтэй гэмт хэргийн дуудлага хүлээн авч, холбогдох мөрдөн шалгах ажиллагааг явуулж байгаа бөгөөд энэ төрлийн гэмт хэргийн хохирогчдын  85%-ийг  бага насны хүүхэд, эмэгтэйчүүд эзэлж буйг албаныхан онцолж байна.

Энэ оны эхэн үеэс эхлэн нэмэгдэж буй халаасны хулгайн гэмт хэрэг нь нийгмийн хамгаалал, аюулгүй байдалд  эрсдэл учруулж буйг холбогдох байгууллагаас санууллаа.

 Ялангуяа, хүйтний улиралд хувцас, гар утас, мөнгөн тэмдэгт зэрэг эд зүйлсийн аюулгүй байдалд илүү анхаарах хэрэгтэйг онцолж байна.  Тус хэлтсээс гэмт хэрэгт өртсөн хохирогчдод эд зүйлсээ хүлээлгэн өгөх, гэмт хэргийн гаралтын шалтгаан, нөхцлийг судлах чиглэлээр ажиллаж байна.

Иймд иргэд та бүхнийг бага насны хүүхдэд болог эрсдэлд өртөмтгий хэсэгт өөрийн гар утас эд зүйлсээ сонор сэрэмжтэй авч явахыг Нийслэлийн цагдаагийн удирдах газрын,   Халаасны хулгайн гэмт хэрэгтэй тэмцэх хэлтсээс анхааруулж байна.

Мэдээ бэлтгэсэн Ө.Дөлгөөн

Сиднейд олон хүний амь насыг хөнөөсөн  хэрэг гарлаа. Тодруулбал 12-р сарын 14-нд алдарт Bondi Beach дээр зохион байгуулагдаж байсан Ханука баярын арга хэмжээн дээр хоёр хүн гал нээж, цэргийн зорилготой мөргөлдөөн үүсгэсэн байна. Энэ үйл явдал нь еврейчүүдийн ялалтын баяр ёслолын үеэр болсон бөгөөд олон зуун хүн байхад гарсан нь цочирдсон үйл явдал болжээ.

Тухайн халдлагаар албаныхан мэдээлж буйгаар 15 хүн амиа алдаж, 40 гаруй хүн шархаджээ. Хохирогсдын дунд хүүхдүүд ч багтсан бөгөөд энэ халдлага нь 1996 онд Port Arthur-д болсон иргэд олон нийт рүү халдсан буудлагаас хойш Австралийн түүхэн дэх хамгийн их хүний амийг хөнөөсөн хэрэг болж буйг албаныхан онцлон дурдсан юм.

Халдлагыг үйлдсэн хоёр хүн нь аав, хүү байсныг цагдаагийнхан мэдээлсэн бөгөөд нэг нь алба хаагчдад буудуулан амиа алдсан бол нөгөө нь шархдаж баривчлагдсан байна.

Австралийн засгийн газар, цагдаагийн байгууллагууд аюулгүй байдлыг хангах шинэ арга хэмжээнүүдийг авч хэрэгжүүлж эхэлжээ. Мөн уг хэрэг нь терроризм эсвэл харгис үзэл баримтлалын илрэл байж болзошгүйг, цаашид улс орнууд харилцан хамтран аюулгүй байдлаа сайжруулах шаардлагатай байгааг шинжээчид онцлон тэмдэглэж байна.

Эх сурвалж Euronews, People’s

Мэдээ бэлтгэсэн Ө.Дөлгөөн

Энэ оны эхний 10 сард хүүхэд хохирсон гэмт хэрэг 2128 бүртгэгдлээ

 Цагдаагийн байгууллагын мэдээлснээр бүртгэгдсэн гэмт хэргийн дотор хүүхдийн эрүүл мэнд, бэлгийн эрх чөлөө, өмчлөх эрхийг зөрчсөн тохиолдлууд давамгайлж байна. Тодруулбал, нийт гэмт хэргийн 29%-ийг эрүүл мэндийн халдашгүй байдал зөрчсөн хэрэг эзэлж байгаа бөгөөд энэ нь хүүхдийн амьдрах орчин, эрүүл мэндийн хамгаалалд анхаарал хандуулах хэрэгтэйг харуулж байна.

Мөн 18.9%-ийг хүний бэлгийн эрх чөлөө халдашгүй байдал зөрчсөн хэрэг эзэлж буй нь хүүхдийн бэлгийн халдашгүй байдалд хамгаалалт хэрэгтэйг,  хүүхдийн өмчлөх эрхийн эсрэг гэмт хэрэг 25.1%, хүний амьд явах эрхийн эсрэг гэмт хэрэг 1.9% болж, эдгээр нь хүүхдийн аюулгүй байдал, эрх зүйн хамгаалалтыг хангахын тулд нийгмийн анхаарал шаардлагатай байгааг илтгэнэ.

Энэ чиглэлд хийх ажлын нэг хэсэг нь гэмт хэргийн шинж чанар, түвшинг тодорхойлох, илрүүлэх, таслан зогсоох арга хэмжээг боловсронгуй болгох явдал юм.

Мөн эдгээр үзүүлэлт нь зөвхөн цагдаагийн байгууллагын үүрэг биш, бүх нийтийн хамтын хүчин чармайлтаар шийдвэрлэх асуудал бөгөөд хүүхдийн аюулгүй байдал, хамгаалал гэдэг нь улсын хөгжил, ирээдүйн иргэдийн эрүүл, биеэ даасан төлөөлөгчид болох үндэс суурь билээ. Тиймээс, боловсрол, олон нийтийн оролцоо, хууль, бодлогын шинэчлэл зэрэг олон төвшний арга хэмжээ авч хэрэгжүүлэх шаардлагатай. Үүний зэрэгцээ, гэмт хэргийн шинж чанарыг нарийвчлан судалж, хүүхдийн эрх зөрчсөн гэмт хэргийн илрүүлэлт, таслан зогсоолтыг сайжруулах арга хэмжээг эрчимжүүлэх нь чухал юм.

Эх сурвалж ЦЕГ

Мэдээ бэлтгэсэн Ө.Дөлгөөн