Тус арга хэмжээ нь 33 дахь жилдээ уламжлал болгон зохион байгуулагдаж байгаа бөгөөд хүүхдийн оюун ухаан, урлаг спорт, байгаль хамгаалал, хүмүүнлэг зэрэг олон салбарт амжилт гаргасан хүүхдүүдийг өргөмжилдөг юм. 2025 онд үндэсний болон олон улсын хэмжээнд 10 төрөлд 1263 нэр дэвшигчээс 72 хүүхэд шалгарсан байна.

Монгол улсын “Оны онцлох хүүхэд” шалгаруулалт нь зөвхөн спорт, урлаг төдийгүй боловсрол, байгаль хамгаалал, техник сэтгэлгээ зэрэг олон төрлөөр гаргасан амжилтыг хүлээн зөвшөөрч, тэднийг олон нийтэд таниулдаг цогц үйл ажиллагаа юм.

Энэхүү шалгаруулалт нь хүүхдийн хөгжлийг дэмжих, тэдний нийгмийн оролцоог өргөжүүлэх, үлгэр дуурайлал болох чадварлаг хүүхдүүдийг таниулах зорилготой ба хүүхдийн амжилтыг таниулах төдийгүй нийгмийн хариуцлага, тэгш боломжийг хангах, ирээдүй хойчийн боловсролын тогтолцоог хөгжүүлэхэд чухал үүрэг гүйцэтгэж байна.

Энэ уламжлал нь Монгол улсын хүүхдийн хөгжлийг дэмжих бодлого, хууль тогтоомжуудтай уялдаж иржээ. Тухайлбал “Хүүхдийн эрхийн тухай хууль”, “Хүүхэд, гэр бүлийн хөгжил, хамгааллын хөтөлбөр” зэрэг баримт бичгүүдэд тусгагдсан зорилтуудыг хэрэгжүүлэхэд туслах зорилготой.

Мэдээ бэлтгэсэн Ө.Дөлгөөн

Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2025 оны 12 дугаар сарын 8-12-ны өдрүүдэд авлигын эрсдэлийг бууруулах, шалтгаан нөхцөлийг арилгах чиглэлээр Цаг уур, орчны шинжилгээний газрын шударга байдлын үнэлгээг сайжруулах төлөвлөгөө, Хүнс, хөдөө аж ахуй, хөнгөн үйлдвэрийн яам болон харьяа байгууллагын, мөн Завхан аймгийн Засаг даргын Тамгын газрын мэдээллийн ил тод байдлын хэрэгжилтэд дүн шинжилгээ хийв.

НҮБ-аас тунхагласан Авлигын эсрэг олон улсын өдрийг тохиолдуулан нийслэлийн ерөнхий боловсролын сургуулийн дунд, ахлах ангийн сурагчдын дунд зарласан “Шударга зан бидний гоёо” сэдэвт рийл бичлэгийн уралдаанд ирүүлсэн 150 бүтээлээс шилдэг 8 рийл бичлэгийг шалгаруулж, олон нийтэд хүргэлээ. Авлигын эсрэг олон улсын өдрийг тэмдэглэн өнгөрүүлэх хүрээнд Үндэсний Статистикийн хороо, Эрчим хүчний яам, Дархан-Уул аймгийн Засаг даргын Тамгын газар, Хан-Уул дүүргийн Засаг даргын Тамгын газар зэрэг төрийн байгууллагуудтай хамтран авлигаас урьдчилан сэргийлэх, соён гэгээрүүлэх чиглэлээр бэлтгэсэн контент, постерыг 21 аймгийн хэмжээнд түгээж, авлигын эсрэг нэгдэх уриалга гаргуулах ажлыг зохион байгуулав.

Төрийн байгууллагын хүнд суртал, чирэгдэл, төрийн албан хаагчийн ёс зүйн асуудлаар иргэн, аж ахуйн нэгж, байгууллагаас ирүүлсэн 12 гомдол, мэдээллийг хянан шалгаж, авлигын эсрэг сургалтад нийт 1274 албан тушаалтныг хамрууллаа.

Хүйтний улирал эхэлсэнтэй холбоотойгоор халаасны хулгайн гэмт хэрэг эрс нэмэгдэж, онцгой анхаарал шаардлагатай байгааг нийслэлийн цагдаагийн байгууллагаас мэдээллээ. Сүүлийн долоо хоногт нийт 123 гомдол шинжтэй гэмт хэргийн дуудлага хүлээн авч, холбогдох мөрдөн шалгах ажиллагааг явуулж байгаа бөгөөд энэ төрлийн гэмт хэргийн хохирогчдын  85%-ийг  бага насны хүүхэд, эмэгтэйчүүд эзэлж буйг албаныхан онцолж байна.

Энэ оны эхэн үеэс эхлэн нэмэгдэж буй халаасны хулгайн гэмт хэрэг нь нийгмийн хамгаалал, аюулгүй байдалд  эрсдэл учруулж буйг холбогдох байгууллагаас санууллаа.

 Ялангуяа, хүйтний улиралд хувцас, гар утас, мөнгөн тэмдэгт зэрэг эд зүйлсийн аюулгүй байдалд илүү анхаарах хэрэгтэйг онцолж байна.  Тус хэлтсээс гэмт хэрэгт өртсөн хохирогчдод эд зүйлсээ хүлээлгэн өгөх, гэмт хэргийн гаралтын шалтгаан, нөхцлийг судлах чиглэлээр ажиллаж байна.

Иймд иргэд та бүхнийг бага насны хүүхдэд болог эрсдэлд өртөмтгий хэсэгт өөрийн гар утас эд зүйлсээ сонор сэрэмжтэй авч явахыг Нийслэлийн цагдаагийн удирдах газрын,   Халаасны хулгайн гэмт хэрэгтэй тэмцэх хэлтсээс анхааруулж байна.

Мэдээ бэлтгэсэн Ө.Дөлгөөн