Connect with us

Улс төр

УИХ-ын гишүүдийг авлигадах мөнгө 10 саяас 15 тэрбум болтлоо өсчээ

Published

9 months ago

on

Төсвийн ерөнхийлөн захирагч нар Төсвийн төсөл бэлтгэх удирдамжийн дагуу 2026 оны хөрөнгө оруулалтын саналаа Сангийн яаманд хүргүүлж буй. Энэ нь хуулийн хугацаатай бөгөөд санал авах хугацаа өнөөдрөөр дуусгавар болж байгаа. юм. Энэ ажлын хүрээнд Засгийн газар, Сангийн яам УИХ-д тойргоос сонгогдсон 78 гишүүн бүрээс 15 тэрбум төгрөгийн хөрөнгө оруулалтын санал авч, “гишүүдийг авлигадах” ажлыг зохион байгуулж байна хэмээн УИХ-ын гишүүн болсон М.Нарантуяа-Нара нийгмийн сүлжээнд мэдээлсэн нь олны анхаарлыг татаад байна.  УИХ-ын гишүүн М.Нарантуяа-Нара МАН-ын жагсаалтаар УИХ-ын гишүүн болсон Х.Баасанжаргал тойргийн төсвийн талаарх мэдээллийг анх нийт гишүүдийнхээ группэд бичсэнээр тойргийн төсвийн хуйвалдааныг мэдлээ гэж тодотгожээ. 
Ямартай ч,  Г.Занданшатарын Засгийн газар УИХ-ын гишүүдийг тойргийн төсөв нэрээр авлигадаж, Ерөнхий сайд, Засгийн газрынхаа насжилтыг уртасгах төлөвлөгөөндөө орсон бололтой.Нэг үгээр Сангийн сайд Б.Жавхлан, Г.Занданшатар нар гишүүдийг 480 тэрбумаар авлигадахаар зэхэж байна.
“Тойргийн төсөв” гэдэг ойлголтыг анх 2000-аад оны үед буюу Н.Энхбаяр Ерөнхий сайдаар ажиллаж байхдаа анх эхлүүлж, УИХ-ын гишүүдэд тойрогтоо ажиллахад нь зориулж 10 сая төгрөг өгөх хуулийн төсөл санаачилж батлуулж байлаа. Цаашлаад Ерөнхий сайд асан Ц.Элбэгдорж арав дахин өсгөж 100 сая, МАН-ын дарга М.Энхболд  500 сая төгрөгт хүргэсэн удаатай. Дараа, дараагийн засаг нь бүр нэг тэрбум, дөрвөн тэрбумд хүргэх төсөл ч оруулж ирж байв.  Тэгвэл Г.Занданшатарын Засгийн газрын үед тойргийн мөнгө түүхэн дээд хэмжээнд буюу 15 тэрбум төгрөгт хүрлээ. . Өнөөдрийн байдлаар улсын төсвийн тэнцэл нэг их наяд төгрөгийн алдагдалтай, Монгол Улсын гол орлого болох нүүрсний экспортын орлого 2.5 тэрбум ам.долларын бууралттай байна. Гэтэл Засгийн газар өнгөн дээрээ “төсөв хүнд байна, хэмнэлт хийнэ” гэчихээд хөшигний цаана тойргийн гишүүн бүрд 15 тэрбум төгрөг хуваарилах хуйвалдааныг эхлүүлсэн нь шившиг гэлтэй. Улстөрчид баяр наадмын урт өдрүүд, амралт алжаалаа тайлах үеийг андахгүй чоно борооноор гэгчээр элдэв хуйвалдаанаа сэмхэн зохион байгуулдаг, хууль журмыг баталдаг. Энэ удаад ч Г.Занданшатарын булхай ил болж, гишүүдийг авлигадаж хахуульдах гэсэн санаа зорилго нь ийнхүү ил болж,  олны анхааралд өртлөө. Шүгэл үлээсэн М.Нарантуяа-Нара, Х.Баасанжаргал гишүүдэд талархахаас аргагүй юм. 
Төстэй мэдээ:
Дэлгэрэнгүй
Сэтгэгдэл үлдээх

Leave a Reply

Your email address will not be published. Required fields are marked *

Улс төр

Боловсролын сайд П.Наранбаяр Сэлэнгэ аймагт ажиллаж байна

Published

4 months ago

on

2026-01-08

By

Боловсролын сайд П.Наранбаяр Сэлэнгэ аймагт ажиллах үеэрээ аймгийн Засаг дарга Н.Лхагвадорж болон Тамгын газрын удирдлагуудтай уулзлаа.
Уулзалтын үеэр Засаг дарга Н.Лхагвадорж аймгийн боловсролын салбарт хэрэгжүүлж буй бодлого, хөтөлбөр, хөрөнгө оруулалтын талаар танилцуулав.
Тэр бээр, сүүлийн жилүүдэд сургууль, цэцэрлэгийн барилга, засвар, тоног төхөөрөмжийн шинэчлэлд ихээхэн хөрөнгө оруулалт хийж, “Нутгийн оюутан”, “Багш, сурагч солилцоо”, “Гадаад хэлтэй Сэлэнгэ” зэрэг хөтөлбөрүүдийг хэрэгжүүлж байгааг онцоллоо. Мөн аймгийн хэмжээнд дулааны асуудлыг бүрэн шийдвэрлэснээр сургууль, цэцэрлэгүүд дулаан орчинд үйл ажиллагаа явуулж байгааг дурдав.
Түүнчлэн сургууль, цэцэрлэгийн барилгын зураг төслийн стандартад анхнаас нь анхаарч, нэгдсэн стандартаар чанартай барихгүй бол урсгал зардалд ихээхэн хөрөнгө үрэгдэж байгааг онцолсон юм.
Яг одоо Боловсролын сайд аймгийн боловсролын салбарын 80 гаруй байгууллагын удирдлага, багш, ажилтнуудтай уулзаж байна. Уулзалтын үеэр багш, удирдлагууд салбарын тулгамдсан асуудал, санал хүсэлтээ илэрхийлж сонирхсон асуултуудаа асууж байна.
2025 онд аймаг, орон нутгийн хөрөнгө оруулалтаар сургууль, цэцэрлэгийн тоног төхөөрөмж, засвар үйлчилгээ, урсгал зардалд нийт 10 гаруй тэрбум төгрөг зарцуулсан байна. Мөн 2022–2025 онд орон нутгийн хөгжлийн сангийн 6.4 тэрбум төгрөгөөр 23 сургууль, 18 цэцэрлэгийн барилга, дотуур байрны их засварыг хийж гүйцэтгээд байна.
Аймаг гадаад хамтын ажиллагааны хүрээнд олон улсын их сургууль, НҮБ болон олон улсын байгууллагуудтай боловсролын чиглэлээр хамтран ажиллаж, “Багийн бага сургууль” санаачилгыг хэрэгжүүлэн Мандал сумын Тарни багт багийн бага сургуулийг шинээр байгуулжээ. Мөн Япон Улсын Засгийн газрын буцалтгүй тусламжаар Шаамар сумын Дулаанхаан тосгоны сургуулийн гал тогооны барилгын төслийг хэрэгжүүлж байна.
“Нутгийн оюутан” хөтөлбөрийн хүрээнд БНСУ-ын их сургуулиудад аймгийн 18 оюутан суралцаж байгаа бөгөөд цаашид эрэлттэй мэргэжлээр суралцаж буй 105 оюутанд тус бүр 5 сая төгрөгийн тэтгэлэг олгохоор төлөвлөжээ.
Дэлгэрэнгүй

Улс төр

Боловсролын дэд сайд Д.Гантулга Дорнод аймагт ажиллаж байна

Published

4 months ago

on

2026-01-06

By

Боловсролын дэд сайд Д.Гантулга Дорнод аймагт ажиллаж, тус аймгийн боловсролын салбарын багш, ажилтан, албан хаагчидтай уулзлаа.
Монгол Улсын Засгийн газраас 2026 оныг “Боловсролыг дэмжих жил” болгон зарласантай холбогдуулан салбарын бодлого, зорилт, хэрэгжүүлэх арга хэмжээний талаар мэдээлэл хүргэх, орон нутгийн багш нарын санал хүсэлтийг сонсох зорилгоор энэхүү уулзалтыг зохион байгуулж байгаа юм.
Уулзалтын үеэр дэд сайд Д.Гантулга боловсролын салбарт 2026 онд баримтлах бодлого, хөрөнгө оруулалтын чиглэл, багш, ажилтны цалин хөлсний нэмэгдэл, сургалтын хөтөлбөрийн шинэчлэл, цахим болон хиймэл оюунд суурилсан боловсролын талаар танилцууллаа.
Түүнчлэн багшлахуйгаас суралцахуйд шилжих шилжилт, суралцагч төвтэй боловсролыг бодит ажил хэрэг болгох талаар дэлгэрэнгүй мэдээлэл өгч, багш нарын санал бодлыг сонслоо.
Багш нарын зүгээс сургалтын орчин, ачаалал, мэргэжлийн хөгжил, цахим сургалтын хүртээмж, орон нутагт тулгамдаж буй асуудлуудын талаар санал, хүсэлтээ илэрхийлж, цаашид бодлого боловсруулах, хэрэгжүүлэхэд анхаарах асуудлуудыг хөндлөө.
Боловсролын дэд сайд Д.Гантулга орон нутгийн багш нарын санал хүсэлтийг бодлого, шийдвэрт тусган ажиллахаа илэрхийлж, “Боловсролыг дэмжих жил”-ийн хүрээнд орон нутагтай нягт хамтран ажиллана гэдгийг онцоллоо.
Дэлгэрэнгүй

Улс төр

Боловсролын сайд П.Наранбаяр Хөвсгөл аймагт ажиллав

Published

4 months ago

on

2026-01-06

By

Боловсролын сайд П.Наранбаяр Хөвсгөл аймагт ажиллах үеэрээ боловсролын салбарын багш, ажилчидтай уулзалт зохион байгуулж, салбарын өнөөгийн нөхцөл байдал, тулгамдаж буй асуудал, цаашид анхаарах шаардлагатай саналуудын талаар нээлттэй санал солилцлоо.

Уулзалтад ерөнхий боловсролын сургууль, сургуулийн өмнөх боловсролын байгууллага, мэргэжлийн боловсролын байгууллагын төлөөлөл оролцож, багшийн ажлын ачаалал, цалин хөлс, нийгмийн баталгаа, сургалтын орчин, анги танхимын хүртээмж, сурах бичиг, сургалтын хэрэглэгдэхүүний хангалт зэрэг асуудлыг хөндөн ярив.

Мөн хөдөө, орон нутгийн боловсролын байгууллагуудад тулгамдаж буй хүний нөөцийн дутагдал, залуу багш нарыг тогтвор суурьшилтай ажиллах нөхцөлийг сайжруулах шаардлагын талаар оролцогчид санал дэвшүүллээ.

Боловсролын сайд П.Наранбаяр уулзалтаар гарсан санал, асуудлуудыг нэгтгэн судалж, үе шаттайгаар шийдвэрлэх чиглэлд анхаарч ажиллахаа илэрхийлэв. Тэрбээр багшийн хөгжлийг дэмжих, сургалтын чанар, хүртээмжийг нэмэгдүүлэх, орон нутгийн боловсролын байгууллагын үйл ажиллагааг тогтвортой хөгжүүлэхэд чиглэсэн бодлого, зохицуулалтын арга хэмжээг хэрэгжүүлнэ гэдгээ онцоллоо.

Дэлгэрэнгүй
Сурталчилгаа

Трэнд

© 2025 ГҮРЭН НЬЮС МЕДИА ГРУПП. БҮХ ЭРХ ХУУЛИАР ХАМГААЛАГДСАН.

error: Content is protected !!