Connect with us

Эрүүл мэнд

Ж.Чинбүрэн: СЭМҮТ-ийн удирдлагууд 478,9 сая төгрөгийг хувийн дансанд шилжүүлэн авсан үйлдэлд нь эрүү үүсгэн шалгаж байна

Published

4 months ago

on

Эрүүл мэндийн сайд Ж.Чинбүрэн СЭМҮТ-ийн үйл ажиллагаатай холбоотой мэдээлэл хийж, хяналт шалгалтаар олон ноцтой зөрчил илэрснийг хууль хяналтын байгууллагаар шалгуулж байгаа талаар хэлэв. Тодруулбал,  СЭМҮТ-ийн төлбөртэй тусламж, үйлчилгээний талаар иргэнээс АТГ-т гомдол ирүүлснийг шалгуулахаар ЭМЯ-нд шилжүүлсний дагуу ЭМЯ-ны хяналт, шинжилгээ, үнэлгээ, дотоод аудитын газраас санхүүгийн хяналт шалгалт хийсэн. Шалгалтаар гэмт хэргийн шинжтэй нөхцөл байдал тогтоогдсон тул ЦЕГ-тай хамтарсан шалгалтыг 2025 оны хоёрдугаар сарын 25-наас гуравдугаар сарын 24-нийг хүртэл хийхэд дараах зөрчил илэрчээ. Үүнд,

Төлбөртэй тусламж үйлчилгээ авсан иргэнд төлбөр төлсөн баримт өгдөггүй. Үйлчлүүлэгч эрүүл мэндийн байгууллагын данснаас өөр дансанд төлбөр төлөхийг хориглосон журмыг удаа дараа зөрчсөн. 2022-2024 онд цахим бүртгэлд бүртгэлд бүртгэгдсэн төлбөртэй тусламж үйлчилгээний орлого болох 527.8 сая төгрөгийн ор хоногийн төлбөрийг иргэдийг цагтаа ирээгүй, өөрөөр хэлбэл эмнэлэгт хэвтээгүй гэж цуцалсан.

Өөрөөр хэлбэл, иргэд эмнэлэгт хэвтэж, орны төлбөр төлсөн байхад “хэвтээгүй” хэмээн бүртгэлийг цуцалсан. Цагтаа ирээгүй гэх мэт шалтгаанаар хэвтээгүй хэмээн бүртгэж, иргэдийн төлсөн төлбөрийг 24 цагийн дотор эмнэлгийн данснаас гаргаж авдаг зөрчил илэрсэн. Энэ замаар 478.9 сая төгрөгийн цуцалт хийж, СЭМҮТ-ийн дарга нар ажилтнуудтайгаа хуйвалдан бэлнээр болон хувийн данс руу шилжүүлж авдаг нь тогтоогдож, одоо эрүүгийн хэрэг үүсгэн шалгаж байна. Энэ нь таваас дээш жил үргэлжилж, байгууллагын хэвийн үйл ажиллагаа, иргэдэд үзүүлэх тусламж үйлчилгээний чанарт сөргөөр нөлөөлж, үнэнчээр зүтгэж буй эмч, ажилчдын сэтгэл зүрхийг мохоож, ажлын байраа орхих хэмжээнд хүргэж байна. Урамшуулал цалинг нь өгдөггүй, удирдлагууд нь хувааж авдаг” гэв.

Төстэй мэдээ:
Дэлгэрэнгүй
Сэтгэгдэл үлдээх

Leave a Reply

Your email address will not be published. Required fields are marked *

Нийгэм

Умайн хүзүүний өмөн, урьдал эмгэгийг оношлох арга зүйг эзэмших сургагч багш бэлтгэх сургалт зохион байгуулагдаж байна

Published

3 days ago

on

2025-12-04

By

Умайн хүзүүний өмөн, урьдал эмгэгийг оношлох арга зүйг эзэмших сургагч багш бэлтгэх сургалт зохион байгуулагдаж байна

 Эрүүл мэндийн салбарт чухал зорилтуудын нэг болох умайн хүзүүний өмөн, урьдал эмгэгийг эрт илрүүлэх, оношлох арга зүйн боловсронгуй системийг хөгжүүлэх зорилгоор шинэ үеийн мэргэжилтэн багш нар бэлтгэх сургалт эхэллээ. Энэ арга хэмжээ нь зөвхөн Монголд төдийгүй, Ази номхон далайн бүс нутгийн орнуудад умайн хүзүүний хорт хавдрын илрүүлэлт, урьдчилан сэргийлэлтийг шинэ түвшинд гаргахад чухал үүрэгтэй юм.

Сургалтыг удирдан явуулах эрхтэйгээр Техасын Их сургуулийн МД Андерсоны Хавдрын Төв, мөн Бүгд Найрамдах Солонгос Улсын Католик Их сургуулийн мэргэшсэн багш, эмч нар оролцож байгаа нь Монголын мэргэжилтнүүдэд олон улсын туршлага,  аргачлалыг нэвтрүүлэх зорилготой байна. Энэ нь цаашид Монголд эмэгтэйчүүдийн эрүүл мэндийг хамгаалах, хавдрын илрүүлэлтийг эрт үед нь хийж, өвчтөний амьдралын чанарыг дээшлүүлэхэд чухал алхам болно.

Монгол Улсад 2024 онд умайн хүзүүний хорт хавдар шинэ тохиолдлын 521 тохиолдол бүртгэгдэн, нас баралтын тоо 167-д хүрчээ. Энэ өвчин нь манай улсын эмэгтэйчүүдийн дунд зонхилон тохиолдож, хорт хавдрын гуравдугаарт жагсаж байгаа бөгөөд урьдчилан сэргийлэх, эрт илрүүлэлт, оношилгоо хийснээр өвчний явц, эмчилгээний үр дүнг сайжруулах боломж хангалттай байгааг мэргэжилтнүүд онцолж байна.

Сургалтад Филиппин, Камбож, Кирибас, Лаос, Папуа Шинэ Гвиней, Соломоны Арал, Вануату, Вьетнам зэрэг Ази номхон далайн бүс нутгийн орнуудын болон Монголын эмэгтэйчүүдийн эмч, сувилагч, мэс заслын мэргэжилтнүүд нийт 52 хүн оролцож байна. Энэ нь зөвхөн тус салбарт мэргэшил эзэмших төдийгүй, бүс нутгийн хамтын ажиллагаа, туршлага солилцох боломжийг нэмэгдүүлж буйг харуулж байна.

Цахилгаан гогцоогоор өөлөх мэс ажилбар болох LEEP арга нь умайн хүзүүний эдийн засгийн болон онцлог шинжийг илүү хурдан, аюулгүй илрүүлэх боломжийг олгож байна. Мөн кольпоскопи нь өвчнийг илүү тодорхой, нарийвчлалтай оношлох боломжийг нэмэгдүүлж, эрт илрүүлэлтэд чухал үүрэгтэй. Эдгээр шинэ техник, аргачлал нь зөвхөн Монголд төдийгүй, бүс нутгийн эмэгтэйчүүдийн эрүүл мэндийг хамгаалахад шинэ шатанд гаргахад томоохон түлхэц болох юм.

Дэлгэрэнгүй

Эрүүл мэнд

Томуу болон томуу төст өвчнөөс сэргийлж өөрийгөө болон гэр бүлээ хамгаалаарай

Published

2 weeks ago

on

2025-11-24

By

Томуу, томуу төст өвчний дэгдэлт эрс нэмэгдэж байгаатай холбогдуулан Боловсролын яамнаас дараах “ЗӨВЛӨМЖ”-ийг хүргэж байна.
Үүнд:
Эцэг эх, асран хамгаалагч нарт:
1. Урлаг спорт, соёл олон нийтийн зэрэг төвлөрсөн арга хэмжээнд оролцохоос аль болох татгалзахыг бага насны хүүхэдтэй эцэг эх, асран хамгаалагчдад зөвлөж байна. Учир нь та томуу, томуу төст өвчний халдвар тээгч болох ба үүнийгээ бага насны хүүхдэд халдварлуулах эрсдэл өндөр болно.
2. Гэр бүлийн орчинд гэр бүлийн гишүүн бүрийн хувийн ариун цэврийг сахиулаарай. Гараа тогтмол угаах, содтой усаар амаа зайлах зэрэг дадлыг хэвшүүлж, дархлаа дэмжих амин дэмээр баялаг хоол хүнсийг хэрэглэх нь томуу, томуунаас урьдчилан сэргийлэх гол арга зам юм шүү.
3. Хэрэв таны хүүхдэд томуу, томуу төст өвчний шинж тэмдэг илэрсэн тохиолдолд мэргэжлийн эмч, эмнэлгийн байгууллагад яаралтай хандаарай. Таамгаар, дур мэдэн эмчилгээ хийхгүй байх нь чухал. Хүүхдийнхээ цэцэрлэг, сургуульд албан ёсоор мэдэгдэж чөлөө авах нь зүйтэй.
Аж ахуй нэгж байгууллага, олон нийтэд:
1. Ач холбогдол багатай, онцын шаардлагагүй олон нийтийг хамарсан төвлөрсөн үйл ажиллагааны тоог эрс бууруулж, түүнд тавих хяналтыг сайжруулахыг нутгийн өөрөө удирдах болон төрийн захиргааны байгууллагуудад зөвлөж байна.
2. Бага насны хүүхэдтэй эцэг эх, асран хамгаалагчид томуу, төст өвчлөлийн нөхцөл байдалтай холбоотой чөлөө хүссэн тохиолдолд цалинтай чөлөө олгох, зайнаас ажиллах боломжийг олгохыг төрийн байгууллагууд, аж ахуй нэгжийн удирдлагуудад уриалж байна.
3. Иргэн нэг бүр хүн олноор төвлөрдөг орчин, нийтийн тээврийн хэрэгсэлд амны хаалтыг заавал зүүж өөрийгөө болон бусдыг хамгаалах, томуу, төст өвчний дэгдэлтийн нөхцөл байдлын мэдээ мэдээллийг тогтмол авч, мэргэжлийн байгууллагаас өгөх зөвлөгөө зааврыг дагаж мөрдөөрэй.
Боловсролын сургалтын байгууллагын удирдлагуудад:
1. Суралцагч, багш, ажилтан нэг бүр амны хаалт заавал зүүх, сургалтын байгууллагын орчинд гар угаах, ариутгах боломжийг бүрдүүлж, цэцэрлэг, бага ангийн суралцагчдын үдийн хоолыг шим тэжээлтэй, дархлаа дэмжих хүнсний бүтээгдэхүүнээр баяжуулаарай.
2. Суралцагчдын ирцийн тандалтын мэдээг тогтмолжуулж, томуу, томуу төст өвчний тархалтын нөхцөл байдалд тохируулан мэргэжлийн байгууллагуудаас өгөх зөвлөмж зааврыг дагаж мөрдөж ажиллаарай.
3. Анги танхимын агаар сэлгэлтийг тогтмол хийж, дотоод орчны агаарын чанарыг сайжруулах ажлыг байгууллагын дотоод нөөцөд тулгуурлан зохион байгуулаарай.
Эх сурвалж: Боловсролын яам
Дэлгэрэнгүй

Эрүүл мэнд

ЭМЯ: Сурагчдын өвлийн амралтыг 14 хоногийн өмнө эхлүүлэх саналыг Боловсролын яаманд хүргүүллээ

Published

2 weeks ago

on

2025-11-24

By

Улирлын томуу, томуугийн цар тахлын хүндрэлийн үнэлгээгээр Нийслэл хот болон Архангай, Баян-Өлгий, Өвөрхангай, Өмнөговь, Төв аймаг “Алаг цоог дэгдэлт”-ийн түвшинд, 13 аймагт “Идэвхжил”-ийн түвшинд, 2 аймагт “Улирал хооронд”-ын түвшинд байна.
47-р долоо хоногт томуу, томуу төст өвчний үүсгэгчийн 60.5 хувийг A(H3N2) эзэлж байгаа бөгөөд А(H3N2) вирусийн бүрэн геномийн дараалал тогтоох шинжилгээгээр subclade K дэд хэв шинж тодорхойлогдож байгаа нь хүүхдэд илүү өвчлөл үүсгэх эрсдэлтэй байна. Томуу томуу төст өвчний дэгдэлтийн пик үе нь 51 дэх долоо хоног буюу сурагчдын амралт эхэлсэн хойно байх бөгөөд хүндрэл ихтэй өвчлөл хэт тархах буюу их нэрвэгдэх эрсдэлтэй байгаа тул тархалтыг урьдчилан бууруулан намжаахын тулд сурагчдын өвлийн амралтыг хоёр долоо хоногийн өмнө байхаар тохируулах саналтай байна.
2017/2018-2024/2025 оны ТТӨ-ний хөдлөл зүйгээр ЕБС-ын сургуулийн өвлийн амралтын хугацаатай харьцуулж, амралтын хугацааг 2 долоо хоног урагшуулахад өвчний тохиолдол 2 дахин буурч, тархалтын хурд саарсан үзүүлэлттэй байсан байна.
Дээрх нөхцөл байдалд үндэслэн ЭМЯ- наас Боловсролын яаманд бага ангийн сурагчдын өвлийн амралтыг 14 хоногоор наашлуулах саналыг хүргүүлээд байна.
Өнөөдөр сургууль, цэцэрлэгийг карантилах тухай саналыг огт хэлэлцээгүй бөгөөд, цахим сургалтын хэлбэр болон амралтыг урагшлуулах тухай шийдвэрийг Боловсрол Шинжлэх Ухааны Яам сургалтын бүтэц болон бусад нөлөөллөө тооцоолон шийдвэрийг гаргана.
Эх сурвалж: Эрүүл мэндийн яам
Дэлгэрэнгүй

Трэнд

© 2025 ГҮРЭН НЬЮС МЕДИА ГРУПП. БҮХ ЭРХ ХУУЛИАР ХАМГААЛАГДСАН.

error: Content is protected !!