Улс төр

АН: Ерөнхий сайд УИХ-ын толгой дээр гараад суучихжээ

Published

11 months ago

2025-04-14

admin

УИХ дахь АН-ын бүлэг өнөөдөр хуралдаж, гарсан шийдвэрийн талаар танилцууллаа.

АН-ын бүлгийн дарга О.Цогтгэрэл: Төрийн өмчит компаниудын орон тоог нэмж, бүтэц данхайж байгаа асуудлыг АН-ын бүлгийн хурлаар ярилаа. АН сонгуулийн өмнө хэлж байсан Монголын төр аль болох цомхон бүтцээр, үр дүнтэй ажиллах ёстой гэж. Төсөв түүхэн дээд хэмжээнд тэлж байна. Яг хэдэн хүнийг яаж томилсон гэдэг мэдээлэл бидэнд одоогоор алга. Энд зөвхөн томилгоо ярихаас илүү системээр нь өөрчлөх хэрэгтэй гэсэн байр суурьтай байгаа.

УИХ-ын гишүүн Х.Тэмүүжин: Үндсэн хуулийн дагуу бол УИХ төрийн гол шийдвэрийг гаргах ноён нуруу байх ёстой. Гэхдээ харагдахгүй л болохоос биш бид өнгөрсөн 30 жилд ухралт хийжээ. УИХ-ын толгой дээр Ерөнхий сайд гараад суучихжээ. Тэрбээр “Ерөнхий сайд УИХ-ын өмнө ажлаа хариуцдаг” гэсэн зарчмыг эвдэж байна. УИХ-ын чуулганы хуралдаанд Ерөнхий сайд хуралдааны “толгой” дээр гарч суудаг нэг ч парламентын засаглалтай орон байхгүй. Тиймээс бид чуулганы танхимд Ерөнхий сайд 126 гишүүдийн нэг учраас бусад гишүүний дунд суух ёстой гэдэг хуулийн төсөл өргөн барих гэж байна.

Төрийн албаны чиг үүрэг давхардуулсан асуудлаар С.Цэнгүүн гишүүн судалгаа хийж, сая бүлгийн хуралд танилцуулсан. Давхардсан орон тоог алга болгох, хуулиас давсан хэм хэмжээг цэгцлэх асуудлыг сууриар нь, эрхзүйн хүрээнд нь шийдэх ёстой. Төр аль болох цомхон улс оронд дарамтгүйгээр ажиллах ёстой. Сонирхлын зөрчилгүйгээр үр ашигтай ажилладаг байх ёстой. Дэгийг улам нарийн болгох хэрэгтэй гэдэгт хуулийн төсөл боловсруулаад яваа. Удахгүй УИХ-д өргөн барина гэлээ.

Төстэй мэдээ:ан ерөнхий сайд тэмүүжин цогтгэрэл

Дараагийнх

Ж:Батзандан: “Эрдэнэт” үйлдвэрийн 26 хувийг ийш тийш шилжүүлсээр эцэстээ алга болсон

Дэлгэрэнгүй

Сэтгэгдэл үлдээх

Улс төр

Боловсролын сайд П.Наранбаяр Сэлэнгэ аймагт ажиллаж байна

Published

2 months ago

2026-01-08

admin

Боловсролын сайд П.Наранбаяр Сэлэнгэ аймагт ажиллах үеэрээ аймгийн Засаг дарга Н.Лхагвадорж болон Тамгын газрын удирдлагуудтай уулзлаа.

Уулзалтын үеэр Засаг дарга Н.Лхагвадорж аймгийн боловсролын салбарт хэрэгжүүлж буй бодлого, хөтөлбөр, хөрөнгө оруулалтын талаар танилцуулав.

Тэр бээр, сүүлийн жилүүдэд сургууль, цэцэрлэгийн барилга, засвар, тоног төхөөрөмжийн шинэчлэлд ихээхэн хөрөнгө оруулалт хийж, “Нутгийн оюутан”, “Багш, сурагч солилцоо”, “Гадаад хэлтэй Сэлэнгэ” зэрэг хөтөлбөрүүдийг хэрэгжүүлж байгааг онцоллоо. Мөн аймгийн хэмжээнд дулааны асуудлыг бүрэн шийдвэрлэснээр сургууль, цэцэрлэгүүд дулаан орчинд үйл ажиллагаа явуулж байгааг дурдав.

Түүнчлэн сургууль, цэцэрлэгийн барилгын зураг төслийн стандартад анхнаас нь анхаарч, нэгдсэн стандартаар чанартай барихгүй бол урсгал зардалд ихээхэн хөрөнгө үрэгдэж байгааг онцолсон юм.

Яг одоо Боловсролын сайд аймгийн боловсролын салбарын 80 гаруй байгууллагын удирдлага, багш, ажилтнуудтай уулзаж байна. Уулзалтын үеэр багш, удирдлагууд салбарын тулгамдсан асуудал, санал хүсэлтээ илэрхийлж сонирхсон асуултуудаа асууж байна.

2025 онд аймаг, орон нутгийн хөрөнгө оруулалтаар сургууль, цэцэрлэгийн тоног төхөөрөмж, засвар үйлчилгээ, урсгал зардалд нийт 10 гаруй тэрбум төгрөг зарцуулсан байна. Мөн 2022–2025 онд орон нутгийн хөгжлийн сангийн 6.4 тэрбум төгрөгөөр 23 сургууль, 18 цэцэрлэгийн барилга, дотуур байрны их засварыг хийж гүйцэтгээд байна.

Аймаг гадаад хамтын ажиллагааны хүрээнд олон улсын их сургууль, НҮБ болон олон улсын байгууллагуудтай боловсролын чиглэлээр хамтран ажиллаж, “Багийн бага сургууль” санаачилгыг хэрэгжүүлэн Мандал сумын Тарни багт багийн бага сургуулийг шинээр байгуулжээ. Мөн Япон Улсын Засгийн газрын буцалтгүй тусламжаар Шаамар сумын Дулаанхаан тосгоны сургуулийн гал тогооны барилгын төслийг хэрэгжүүлж байна.

“Нутгийн оюутан” хөтөлбөрийн хүрээнд БНСУ-ын их сургуулиудад аймгийн 18 оюутан суралцаж байгаа бөгөөд цаашид эрэлттэй мэргэжлээр суралцаж буй 105 оюутанд тус бүр 5 сая төгрөгийн тэтгэлэг олгохоор төлөвлөжээ.

Дэлгэрэнгүй

Улс төр

Боловсролын дэд сайд Д.Гантулга Дорнод аймагт ажиллаж байна

Published

2 months ago

2026-01-06

admin

Боловсролын дэд сайд Д.Гантулга Дорнод аймагт ажиллаж, тус аймгийн боловсролын салбарын багш, ажилтан, албан хаагчидтай уулзлаа.

Монгол Улсын Засгийн газраас 2026 оныг “Боловсролыг дэмжих жил” болгон зарласантай холбогдуулан салбарын бодлого, зорилт, хэрэгжүүлэх арга хэмжээний талаар мэдээлэл хүргэх, орон нутгийн багш нарын санал хүсэлтийг сонсох зорилгоор энэхүү уулзалтыг зохион байгуулж байгаа юм.

Уулзалтын үеэр дэд сайд Д.Гантулга боловсролын салбарт 2026 онд баримтлах бодлого, хөрөнгө оруулалтын чиглэл, багш, ажилтны цалин хөлсний нэмэгдэл, сургалтын хөтөлбөрийн шинэчлэл, цахим болон хиймэл оюунд суурилсан боловсролын талаар танилцууллаа.

Түүнчлэн багшлахуйгаас суралцахуйд шилжих шилжилт, суралцагч төвтэй боловсролыг бодит ажил хэрэг болгох талаар дэлгэрэнгүй мэдээлэл өгч, багш нарын санал бодлыг сонслоо.

Багш нарын зүгээс сургалтын орчин, ачаалал, мэргэжлийн хөгжил, цахим сургалтын хүртээмж, орон нутагт тулгамдаж буй асуудлуудын талаар санал, хүсэлтээ илэрхийлж, цаашид бодлого боловсруулах, хэрэгжүүлэхэд анхаарах асуудлуудыг хөндлөө.

Боловсролын дэд сайд Д.Гантулга орон нутгийн багш нарын санал хүсэлтийг бодлого, шийдвэрт тусган ажиллахаа илэрхийлж, “Боловсролыг дэмжих жил”-ийн хүрээнд орон нутагтай нягт хамтран ажиллана гэдгийг онцоллоо.

Дэлгэрэнгүй

Улс төр

Боловсролын сайд П.Наранбаяр Хөвсгөл аймагт ажиллав

Published

2 months ago

2026-01-06

admin

Боловсролын сайд П.Наранбаяр Хөвсгөл аймагт ажиллах үеэрээ боловсролын салбарын багш, ажилчидтай уулзалт зохион байгуулж, салбарын өнөөгийн нөхцөл байдал, тулгамдаж буй асуудал, цаашид анхаарах шаардлагатай саналуудын талаар нээлттэй санал солилцлоо.

Уулзалтад ерөнхий боловсролын сургууль, сургуулийн өмнөх боловсролын байгууллага, мэргэжлийн боловсролын байгууллагын төлөөлөл оролцож, багшийн ажлын ачаалал, цалин хөлс, нийгмийн баталгаа, сургалтын орчин, анги танхимын хүртээмж, сурах бичиг, сургалтын хэрэглэгдэхүүний хангалт зэрэг асуудлыг хөндөн ярив.

Мөн хөдөө, орон нутгийн боловсролын байгууллагуудад тулгамдаж буй хүний нөөцийн дутагдал, залуу багш нарыг тогтвор суурьшилтай ажиллах нөхцөлийг сайжруулах шаардлагын талаар оролцогчид санал дэвшүүллээ.

Боловсролын сайд П.Наранбаяр уулзалтаар гарсан санал, асуудлуудыг нэгтгэн судалж, үе шаттайгаар шийдвэрлэх чиглэлд анхаарч ажиллахаа илэрхийлэв. Тэрбээр багшийн хөгжлийг дэмжих, сургалтын чанар, хүртээмжийг нэмэгдүүлэх, орон нутгийн боловсролын байгууллагын үйл ажиллагааг тогтвортой хөгжүүлэхэд чиглэсэн бодлого, зохицуулалтын арга хэмжээг хэрэгжүүлнэ гэдгээ онцоллоо.

Дэлгэрэнгүй